កាល​ពី​ថ្ងៃ​ពុធ​កន្លង​ទៅ​នេះ កំពូល​តារា​ចម្រៀង​អាមេរិក Mariah Carey ត្រូវ​បាន​គេ​បញ្ជូន​ទៅ​មន្ទីរ​ពេទ្យ​ជា​បន្ទាន់​បន្ទាប់​ពី​ធ្លាក់​ខ្លួន​ឈឺ​ធ្ងន់។

បណ្ដាញ​ព័ត៌មាន TMZ បាន​ឲ្យ​ដឹង​ថា តារា​ចម្រៀង​ជួរ​មុខ Mariah Carey កំពុង​តែ​សម្រាក​ព្យួរ​សេរ៉ូម​នៅ​មន្ទីរ​ពេទ្យ​បន្ទាប់​ពី​កើត​គ្រុន​ផ្ដាសាយ​ធំ​​កាល​ពី​ថ្ងៃ​ម្សិលមិញ។ ក្រុម​ការងារ​របស់​តារា​ចម្រៀង​វ័យ ៤៥ ឆ្នាំ​បាន​ឲ្យ​ដឹង​ថា Mariah បាន​ត្អូញត្អែរ​ថា​ខ្លួន​មិន​សូវ​ស្រួល​ខ្លួន​កាល​ពី​យប់​ថ្ងៃ​អង្គារ រហូត​ដល់​ថ្ងៃ​ពុធ ពួក​គេ​ត្រូវ​ហៅ​រថយន្ត​សង្គ្រោះ​បន្ទាន់​ព្រោះ​ខ្លួន​នាង​បាន​បាត់​ជាតិ​ទឹក​​ក្នុង​ខ្លួន​ជា​ច្រើន។

អ្នក​គាំទ្រ​កំពុង​តែ​ព្រួយ​បារម្ភ​​ពី​សុខភាព​របស់​ម្ដាយ​កូន​ពីរ​រួប​នេះ ពី​ព្រោះ​នៅ​ថ្ងៃ​សៅរ៍​ខាង​មុខ​ម្ចាស់​បទ "All I Want For Christmas is You” ​នឹង​ត្រូវ​សម្ដែង​នៅ​រដ្ឋ New Jersey នៅ​ក្នុង​កម្មវិធី "Hot For The Holidays"។ បើ​តាម​ការ​គ្រោង​ទុក Mariah Carey នឹង​បាន​ចេញ​ពី​មន្ទីរ​ពេទ្យ​នៅ​ថ្ងៃ​ព្រហស្បតិ៍​នេះ៕

ចុចអាន៖តារា​ស្រី​ហូលីវូដ​៤​រូប​ដែល​ហ៊ាន​ថត​ឈុត​រោលរាល​ ហើយ​ល្បី​បាន​យូរ​

ប្រែសម្រួល៖ សុវណ្ណផៃ ប្រភព៖mirror