លទ្ធផលពិសោធន៍រកឃើញ Laptop Apple ផ្ដល់ទំនុកចិត្តជាង Windows
- 2015-12-04 17:40:05
- ចំនួនមតិ 0 | ចំនួនចែករំលែក 0
លទ្ធផលពិសោធន៍រកឃើញ Laptop Apple ផ្ដល់ទំនុកចិត្តជាង Windows
ចន្លោះមិនឃើញ
ក្រុមហ៊ុនធ្វើតេស្ត Consumer Reports បានរកឃើញថា Laptop ពពួក MacBook របស់ក្រុមហ៊ុន Apple អាចផ្ដល់ទំនុកចិត្តបានល្អជាង Laptop ដើរដោយ Windows បន្ទាប់ពីគេបានធ្វើការសិក្សាទៅលើសមត្ថភាពរបស់ Laptop ក្នុងលក្ខណៈទ្រង់ទ្រាយធំមួយ។
ក្រុមហ៊ុនបានធ្វើការសាកសួរទៅកាន់អ្នកចុះឈ្មោះចំនួន ៥៨ ០០០នាក់ ដែលបានទិញ Laptop នៅចន្លោះឆ្នាំ ២០១០ ដល់ ២០១៥ ដើម្បីដឹងពីបទពិសោធន៍នៃការប្រើប្រាស់បានជួបប្រទះនាពេលកន្លងមក រួមទាំងការអន់ថយសមត្ថភាពផងដែរ។ ក្នុងចំណោម Laptop ជាច្រើនប្រភេទ មាន Laptop ពីរប្រភេទដែលលេចធ្លោជាងគេក្នុងការសិក្សានេះគឺ MacBook Air ដែលមានកម្រិតសមត្ថភាពធ្លាក់ចុះ ៧% និង MacBook Pro មាន ៩%។
លទ្ធផលបានបង្ហាញទៀតថា ក្រុមហ៊ុន Apple មាន Laptop ដែលផ្ដល់ទំនុកចិត្តបានល្អប្រសើរជាងគេពោលសមត្ថភាពធ្លាក់ចុះតែ១០% ភាគរយប៉ុណ្ណោះក្នុងរយៈពេលប្រើប្រាស់ ៣ ឆ្នាំដំបូង។ ដោយឡែក Laptop ដើរដោយ Windows មានកម្រិតនៃការធ្លាក់ចុះសមត្ថភាពខ្ពស់ ដូចជា Samsung និង Gateway មាន ១៦% ចំណែកឯផលិតផលរបស់ក្រុមហ៊ុនដទៃមាន ១៨% ទៅ ១៩%។
បើនិយាយអំពី Software វិញ ៧១% នៃអ្នកប្រើប្រាស់ Laptop របស់ក្រុមហ៊ុន Apple មានការពេញចិត្តទៅនឹងប្រព័ន្ធប្រតិបត្តិការ OS X ចំណែកឯប្រព័ន្ធប្រតិបត្តិការ Windows វិញមានអ្នកប្រើប្រាស់ ៣៨% ដែលពេញចិត្ត៕
ចុចអាន៖ បុរសម្នាក់ប្ដឹង Apple បានសម្រេចពីបទលុបរូបថតពីទូរសព្ទអស់គ្មានសល់
ប្រែសម្រួល៖ ហៃ សុខហេង ប្រភព៖ BGR