Olivier Giroud ស៊ុត hat-trick ជួយ Arsenal ឡើងវគ្គ១៦ក្រុមចុងក្រោយ

2015-12-10 15:49:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធសញ្ជាតិបារាំង Olivier Giroud បានស៊ុតបញ្ចូលទីក្រុម Olympiacos ៣គ្រាប់ម្នាក់ឯងកាលពីយប់មិញ ជួយក្រុមកាំភ្លើងធំ Arsenal ឡើងវគ្គ ១៦ក្រុមចុងក្រោយក្នុងក្របខ័ណ្ឌកំពូលទ្វីបអឺរ៉ុប UEFA Champions League។

កាលពីជើងទីមួយលើទឹកដី Emirates Stadium ក្រុម Arsenal បានបរាជ័យក្រោមថ្វីជើងក្រុម Olympiacos ដោយលទ្ធផល ២-៣។ គ្មាននរណានឹកស្មានថា Arsenal អាចវាយបករហូតដល់ ៣គ្រាប់លើទឹកដីក្រុម Olympiacos ឡើយ ប៉ុន្តែកីឡាករ Olivier Giroud បានស្ដារស្ថានការណ៍យ៉ាងល្អរហូតជួយក្រុមឡើងវគ្គ ១៦ក្រុមចុងក្រោយ។

មួយគ្រាប់ដំបូងជាការតែតបញ្ចូលទីនៅនាទីទី២៩ បន្ទាប់ពីកីឡាករ Aaron Ramsy លើកបាល់យ៉ាងល្អចូលតំបន់គ្រោះថ្នាក់។ ចំណែកគ្រាប់ទី២ កើតឡើងនៅនាទីទី៤៩ បន្ទាប់ពីកីឡាករសញ្ជាតិកូស្តារីកាកឹបបាល់ដាច់ខ្សែការពារ Olympiacos បីបួននាក់ រួចបញ្ជូនដល់ជើងកីឡាករ Olivier Giroud ។ ឯគ្រាប់ទី៣ ជាបាល់ពិន័យ ១១ម៉ែត្រ នៅនាទីទី៦៧។

ក្រោយបញ្ចប់ការប្រកួតវគ្គសន្សំពិន្ទុតាមពូលកាលពីយប់មិញ ក្រុម Asernal មានឈរនៅលេខរៀងទី២ មាន ៩ពិន្ទុក្នុងដៃ តាមពីក្រោយក្រុមលេខ១ Bayern Munich ដែលមាន ១៥ពិន្ទុ៕

ទស្សនាវីដេអូការស៊ុតបញ្ចូលទីទាំង ៣គ្រាប់៖