EXO ចេញវីដេអូចម្រៀងថ្មីពីរ ស្ទីលប្លែក សម្រាប់រដូវកាលគ្រិស្តម៉ាស

2015-12-10 16:36:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមចម្រៀងបុរសលំដាប់ជួរមុខរបស់កូរ៉េខាងត្បូង EXO បានត្រលប់មកសាជាថ្មីហើយតាមរយៈបទចម្រៀង "Sing For You” ដែលចេញជាពិសេសសម្រាប់រដូវកាលបុណ្យគ្រិស្តម៉ាសខាងមុខនេះ។

តាមការចុះផ្សាយរបស់ Allkpop បទ "Sing For You” គឺជាបទចម្រៀងសំខាន់ក្នុងចំណោមបទចម្រៀងទាំង៥បទ ក្នុង Mini-Album ថ្មីរបស់ក្រុមចម្រៀងមួយនេះ។ ខុសប្លែកពីបទចម្រៀងគ្រិស្តម៉ាសភាគច្រើន ក៏ដូចជាបទចម្រៀងល្បីៗរបស់ពួកគេកន្លងមកដែលមានចង្វាក់សប្បាយៗ បទចម្រៀងថ្មីមួយបទនេះ មានលក្ខណៈចង្វាក់យឺតៗបែបមនោសញ្ចេតនាវិញ។

វីដេអូចម្រៀងសម្រាប់បទ "Sing For You” បានចេញចំនួនពីរផ្សេងគ្នា គឺមួយជាភាសាចិន និងមួយទៀតជាភាសាកូរ៉េ ដែលក្នុងវីដេអូទាំងនេះបានបង្ហាញទាំងភាពសប្បាយរីករាយ និងទុក្ខសោករបស់សមាជិកក្រុម EXO។

សមាជិកក្រុមទាំង៩រូប នឹងឡើងសម្ដែងបទចម្រៀងនេះ ក្នុងកម្មវិធីតន្ត្រី "Music Core” របស់ទូរទស្សន៍ MBC នៅថ្ងៃទី១២ ខែធ្នូ និងក្នុងកម្មវិធី "Inkigayo” របស់ប៉ុស្តិ៍ SBS នៅថ្ងៃបន្ទាប់។

ទស្សនាវីដេអូចម្រៀងថ្មីទាំងពីរបទរបស់ EXO តែម្ដង៖ វីដេអូជាភាសាកូរ៉េ៖