Galaxy S7 ​សិស្ស​ប្អូន Galaxy S6 បាន​លេច​រូបរាង​កាន់​តែ​ច្បាស់​លើ​​​គណនី​ Twitter ល្បី​មួយ​ឈ្មោះ OnLeaks ដោយ​ម្តង​នេះ​​ពិតជា​​មាន​រូបរាង​ស្រដៀង​គ្នា​ទៅ​នឹង Galaxy S6។

​បើ​តាម​រូប​ភាព​និង​ព័ត៌មាន​ដែល​បាន​ធ្លាយ​លើ​អ៊ីនធឺណិត​នេះ បញ្ជាក់​ថា Galaxy S7 ពុំ​មាន​មុខងារ​សម្រាប់​បន្ថែម MicroSD Card នោះ​ឡើយ ដែល​ជា​បញ្ហា​មួយ​ Samsung ធ្លាប់​បាន​ជួប​ប្រទះ។ Galaxy S7 នេះ​មាន​ទំហំ 163.32 x 82.01 x 7.82ម.ម រីឯ​ប៊ូតុង Home  មាន​ទំហំ​ធំ​ជាង​មុន ពោល​គឺ​ពី​ទំហំ 16x6.7mm (លើ S6) ដល់ 18x5mm លើ S7។

Galaxy S7 ដែល​ជា​កំពូល Smartphone ស៊េរី​ថ្មី​របស់ Samsung អាច​នឹង​បង្ហាញ​ខ្លួន​នៅ​ថ្ងៃ​ទី ២១ខែ​កុម្ភៈ​ដើម​ឆ្នាំ ២០១៦ ពោល​គឺ​១សប្តាហ៍​មុន​ពេល​ព្រឹត្តិការណ៍​សមាជ​ទូរសព្ទ​ពិភពលោក MWC ត្រូវ​បាន​ប្រារព្ធ។

បើ​សិន​ជា Galaxy S7 ពិត​ជា​​គ្មាន​​មុខងារ​បន្ថែម MicroSD Card មែន តើ​អ្នក​ប្រើប្រាស់​នឹង​មាន​ប្រតិកម្ម​យ៉ាង​ណា បើ​កន្លង​មក​មាន​មតិ​រិះ​គន់​មួយ​ចំនួន​ទៅ​លើ Galaxy S6 ដោយ​សារ​តែ​វា​គ្មាន​មុខងារ​បន្ថែម MicroSD Card នេះឯង​៕

https://www.youtube.com/watch?v=lIDpWThAK1Q

ប្រែ​សម្រួល៖ ប៉ែត ផាន់និត

ប្រភព៖ gsmarena