មហាសេដ្ឋីប្រេង ផ្ដល់កាដូគ្រីសម៉ាស់១០ម៉ឺនដុល្លារឲ្យគ្រប់បុគ្គលិកជិត១៤០០នាក់
- 2015-12-11 17:33:59
- ចំនួនមតិ 0 | ចំនួនចែករំលែក 0
មហាសេដ្ឋីប្រេង ផ្ដល់កាដូគ្រីសម៉ាស់១០ម៉ឺនដុល្លារឲ្យគ្រប់បុគ្គលិកជិត១៤០០នាក់
ចន្លោះមិនឃើញ
ដើម្បីជាកាដូសម្រាប់ថ្ងៃបុណ្យគ្រីសស្មាស ឬបុណ្យណូអែលនៅថ្ងៃទី ២៥ធ្នូខាងមុខ មហាសេដ្ឋីប្រេងក្រុមហ៊ុន Hilcorp Energy Co., មានស្នាក់ការនៅរដ្ឋតិចសាស់ សហរដ្ឋអាមេរិក លោក Jeffrey Hildebrand គ្រោងជូនប្រាក់បន្ថែមសម្រាប់បុគ្គលិករបស់ខ្លួនទាំង ១៣៥០នាក់ នូវទឹកប្រាក់ចំនួន១០ម៉ឺនដុល្លារអាមេរិកសម្រាប់បុគ្គលិកម្នាក់ៗ។
ក្រុមហ៊ុននេះបានជោគជ័យក្នុងការសម្រេចតាមគោលដៅរយៈពេល៥ឆ្នាំរបស់ខ្លួនដែលបានបង្កើតក្នុងឆ្នាំ២០១០ សម្រាប់ផលិតផលប្រេង ឧស្ម័ន ប្រេងបម្រុង និងប្រាក់ចំណេញរបស់ក្រុមហ៊ុន។ ការលក់ដល់ចំនួនគោលដៅ សម្រេចបាននៅចុងឆ្នាំ ២០១៥នេះ។
បុគ្គលិកគ្រប់កម្រិត និងគ្រប់មុខតំណែងទាំងអស់គ្នា នឹងទទួលបានទឹកប្រាក់១០ម៉ឺនដុល្លារ។ អ្នកទទួលភ្ញៀវប្រចាំក្រុមហ៊ុនប្រាប់ថា នេះមិនមែនជាលើកទីមួយទេដែល Hilcorp ផ្ដល់កាដូជូនបុគ្គលិកដ៏ច្រើនបែបនេះ តួយ៉ាងកាលពីឆ្នាំ ២០១០ ក្រុមហ៊ុនបានជូនកាដូបុគ្គលិកជារថយន្តមួយគ្រឿងតម្លៃ៥ម៉ឺនដុល្លារ ឬជាសាច់ប្រាក់ ៣៥០០០ដុល្លារ សម្រាប់ការលក់ដល់គោលដៅ ៥ឆ្នាំមុន៕
ចុចអាន៖ ក្រុមហ៊ុនមួយនៅចិន ផ្ដល់កាដូឆ្នាំថ្មីឲ្យបុគ្គលិកគេងជាមួយតារាសិចជប៉ុន
ប្រែសម្រួល៖ ឡេង ភារុណ ប្រភព៖ nextshark
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
