Lionel Messi ​ខ្សែ​ប្រយុទ្ធ​ក្រុម​ Barcelona បាន​បង្ហោះ​រូប​លើ​បណ្ដាញ​សង្គម​ជាមួយ​ភរិយា និង​កូនៗ​ជា​ទី​ស្រលាញ់​យ៉ាង​កម្រ​នៅ​មុខ​ដើម​​ Christmas ​កាល​ពី​យប់​មិញ មុន​ពេល​បុណ្យ​ណូអែល​នឹង​មក​ដល់​នៅ​ថ្ងៃ​ទី​២៥ ខែ​ធ្នូ​ខាង​មុខ​នេះ។

​​កីឡាករ​ជម្រើស​ជាតិ​អាហ្សង់ទីន​រូប​នេះ បាន​បង្ហោះ​រូប​ភាព​​​មួយ​​សន្លឹក​ បង្ហាញ​ពី​គ្រួសារ​​​ដ៏​កក់ក្ដៅ​​នៅ​លើ​ Instagram ដែល​នេះ​ជា​ទិដ្ឋភាព​យ៉ាង​កម្រ​របស់​កីឡាករ​ឆ្នើម​ Barcelona រូប​នេះ​ក្នុង​ការ​បង្ហាញ​រូប​ភាព​ជាមួយ​គ្រួសារ ដោយ​រូប​គេ​​​​បាន​សរសេរ​ជា​សារ​ថា៖ "រង់ចាំ Papa Noel (Santa Claus) ជាមួយ​នឹង​គ្រួសារ​របស់​ខ្ញុំ។ ជាមួយ​នឹង​ Superheroes របស់​ខ្ញុំ”។

កូន​ប្រុស​ទាំង​២​នាក់ របស់​កីឡាករ​វ័យ​​២៨​ឆ្នាំ​រូប​នេះ Thiago និង​ Mateo បាន​ស្លៀក​សំលៀក​បំពាក់​ Super Man ដូច​គ្នា​ ខណៈ​ដែល​ Messi និង​ប្រពន្ធ​ Antonella Roccuzzo ​ស្ថិត​ក្នុង​សំលៀកបំពាក់​ឈុត​គេង។

​​Messi នឹង​ត្រូវ​​បង្ហាញ​ខ្លួន​ចូល​លេង​ឲ្យ​ក្រុម​ Barcelona ជា​បន្ត​​នៅ​យប់​នេះ ពេល​ប៉ះ​ Deportivo La Coruna ​ក្នុង​ការ​ប្រកួត​ La Liga សប្ដាហ៍​ទី​១៥ ​នា​វេលា​ម៉ោង​១០:០០​នាទី៕

-ចុចអាន៖ អាហ្សង់ទីន​ សង់​ស្ថានីយ​រថភ្លើង​មួយ​ទុក​រំលឹក​ស្នាដៃ Messi

​ប្រែ​សម្រួល៖ វិន ជីវ័ន្ត ប្រភព៖ bleacherreports