Angelina Jolie និងស្វាមីដើរទិញឥវ៉ាន់នៅផ្សាររាត្រី ខេត្តសៀមរាប

2015-12-17 21:18:28
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងរាងស្ដើង Angelina Jolie ត្រូវបានប្រទះឃើញកំពុងរើសទិញទំនិញជាមួយស្វាមីក្នុងផ្សារមួយនៅខេត្តសៀមរាប។

កាលពីពេលថ្មីៗនេះ តារាសម្ដែងល្បីឈ្មោះរបស់អាមេរិក Angelina Jolie និងស្វាមី Brad Pitt រួមទាំងកូនស្រី Shiloh ត្រូវបានគេប្រទះឃើញកំពុងរើសទិញឥវ៉ាន់មួយចំនួននៅផ្សាររាត្រីមួយ ខេត្តសៀមរាប។ នៅក្នុងរ៉ូបពណ៌សដ៏សាមញ្ញតែមើលទៅមិនហួសសម័យតារាសម្ដែងអាយុ ៤០ ឆ្នាំរវល់មើលជ្រើសរើសទំនិញរបស់ខ្លួនទាំងមិនដឹងថាមានអ្នកលួចថតនាង។ គេជឿជាក់ថា ម្ដាយកូន ៦ រូបនេះស្លៀករ៉ូបវាលមួយនេះដើម្បីបង្ហាញរូបសាក់ដែលខ្លួនទើបតែមាននាពេលកន្លងនេះ។

ដូចគ្នានឹង Jolie ដែរ Brad Pitt បានស្លៀកពាក់សាមញ្ញដូចនឹងប្រពន្ធខ្លួនក្នុងដំណើរមកកាន់ប្រទេសកម្ពុជាលើកនេះ។

បច្ចុប្បន្ន Angelina Jolie កំពុងស្នាក់នៅប្រទេសកម្ពុជាដើម្បីដឹកនាំរឿងនិយាយពីសម័យកម្ពុជាប្រជាធិបតេយ្យ "ដំបូងខ្មែរក្រហមសម្លាប់លោកប៉ារបស់ខ្ញុំ" ដែលនឹងត្រូវចាក់បញ្ចាំងនៅឆ្នាំក្រោយនេះ៕