ប្រទេសឡាវបាញ់បង្ហោះផ្កាយរណបផ្ទាល់ខ្លួន Lao Sat-1 ដំបូងទៅលើអាកាស
- 2015-12-18 23:41:03
- ចំនួនមតិ 0 | ចំនួនចែករំលែក 0
ប្រទេសឡាវបាញ់បង្ហោះផ្កាយរណបផ្ទាល់ខ្លួន Lao Sat-1 ដំបូងទៅលើអាកាស
ចន្លោះមិនឃើញ
កាលពីពេលថ្មីៗនេះ សាធារណរដ្ឋប្រជាធិបតេយ្យប្រជាមានិតឡាវបានធ្វើការបាញ់បង្ហោះនូវផ្កាយរណបផ្ទាល់ខ្លួន មានឈ្មោះថា Lao Sat-1 ទៅលើអវកាស ដែលមានការសហការផ្នែកបច្ចេកទេសជាមួយក្រុមហ៊ុនមួយចំនួនរបស់ប្រទេសចិន។
លោក Hiem Phommachanh រដ្ឋមន្ត្រីក្រសួងប្រៃសណីយ៍និងទូរគមនាគមន៍ របស់ឡាវបានប្រាប់ឲ្យដឹងថា Lao Sat-1 មានតួនាទីយ៉ាងសំខាន់ក្នុងការធ្វើឲ្យវិស័យទូរគមនាគមន៍ និងសេដ្ឋកិច្ចរបស់ឡាវមានការរីកចម្រើនយ៉ាងឆាប់រហ័ស។
គម្រោងផ្កាយរណបនេះគឺជាវិនិយោគរួមគ្នារវាងបួនភាគី គឺរដ្ឋាភិបាលឡាវ និងក្រុមហ៊ុនបីផ្សេងទៀតរបស់ចិន។ ក្រោយពេលផ្កាយរណបនេះដំណើរការ វានឹងជួយកាត់បន្ថយតម្លៃអ៊ីនធឺណិត និងទូរសព្ទ នៅក្នុងប្រទេសនេះ។
ក្នុងឆ្នាំ១៩៧៥ នៅប្រទេសឡាវអាចនិយាយបានថា គ្មានអ្នកណាគិតដល់ពីភាពរីកចម្រើននៃបច្ចេកវិទ្យាសារគមនាគមន៍អ្វីនោះទេ លុះដល់ប៉ុន្មានឆ្នាំចុងក្រោយនេះសន្ទុះនៃប្រព័ន្ធបច្ចេកវិទ្យាសារគមនាគមន៍របស់ឡាវមានការកើនឡើងជាខ្លាំងដល់ថ្នាក់ប្រទេសនេះមានផ្កាយរណបផ្ទាល់ខ្លួនសម្រាប់ប្រទេសគេទៀតផង។
គូសបញ្ជាក់ផងដែរថា បច្ចុប្បន្ននេះមានផ្កាយរណបជាង១០០០គ្រឿងកំពុងដំណើរនៅអវកាស ដោយសហរដ្ឋអាមេរិក មាន៥០២គ្រឿង, ប្រទេសរុស្ស៊ីមាន១១៨គ្រឿង, ប្រទេសចិន មាន១១៦គ្រឿង និងមានប្រទេសនានាជាង៥០ផ្សេងទៀត ហើយក្នុងនោះប្រទេសដែលជាសមាជិកអាស៊ានក៏មានផ្កាយរណបផ្ទាល់ខ្លួនផងដែរ លើកលែងតែកម្ពុជា និងមីយ៉ាន់ម៉ា៕
ចុចអាន៖ ចំណុចមួយចំនួនរបស់រថយន្ត Highlander ដែលអ្នកប្រហែលមិនដឹង
ប្រែសម្រួល៖ រដ្ឋ ប្រភព៖ Asianews
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
