Facebook បង្កើតប្រព័ន្ធឆែករកគណនីអ្នកប្រើប្រាស់ដែល Hacker លួច

2014-10-21 17:16:39
ចំនួនមតិ 0 | ចំនួនចែករំលែក 0

ចន្លោះមិនឃើញ

បណ្ដាញសង្គមយក្សFacebook បានប្រើប្រព័ន្ធដំណើរការស្វ័យប្រវត្តិត្រួតពិនិត្យមើលលេខសម្ងាត់របស់អ្នកប្រើប្រាស់ដែលត្រូវបានលួចពីសំណាក់Hacker។

ដើម្បីរក្សាសុវត្ថិភាពគណនីរបស់អ្នកប្រើប្រាស់ ក្រុមហ៊ុនFacebook បានបង្កើតប្រព័ន្ធដំណើរស្វ័យប្រវត្តិសម្ងាត់មួយអាចត្រួតពិនិត្យមើលគណនីអ្នកប្រើប្រាស់ដែលត្រូវពួកHacker លួចនិងបង្ហោះនៅលើ Paste Site។ ប្រព័ន្ធនេះនឹងប្រមូលទិន្នន័យ (Email Address, Password) ទាំងអស់នៅក្នុងPaste Site នោះដើម្បីយកមកវិភាគនិងផ្គូផ្គងថាតើ Email ឬ Password ដែលត្រូវបានលួចនោះត្រូវគ្នានឹងEmail ឬPassword ដែលកំពុងតែត្រូវបានប្រើលើ Facebook ឬក៏អត់។ ប្រសិនបើទិន្នន័យទាំងអស់ត្រូវគ្នា នោះFacebook នឹងផ្ដល់ដំណឹងដល់អ្នកប្រើប្រាស់។

ដើម្បីឲ្យការផ្លាស់ប្ដូរលេខសម្ងាត់នោះកាន់តែមានសុវត្ថិភាពខ្ពស់ Facebook តម្រូវឲ្យអ្នកប្រើប្រាស់ប្ដូរលេខសម្ងាត់ក្នុងផ្ទាំងLogin Approval (ដូចឃើញក្នុងរូបខាងក្រោម)។ បន្ទាប់មកអ្នកប្រើប្រាស់ត្រូវវាយលេខសម្ងាត់ដែល Facebook បានផ្ញើចូលក្នុងទូរសព្ទរបស់ពួកគេហើយ Log in គណនីFacebook នៅក្នុង Browser ថ្មី។

លោកLong ដែលជាអ្នកគ្រប់គ្រងប្រព័ន្ធដំណើរការឆែករកទិន្នន័យស្វ័យប្រវត្តិនេះបានឲ្យដឹងថាលោកហ៊ានធានាព័ត៌មានផ្ទាល់ខ្លួនរបស់អ្នកប្រើប្រាស់ដែលត្រូវបានត្រួតពិនិត្យ(ដោយប្រព័ន្ធស្វ័យប្រវត្តិ)នឹងគ្មាននរណាម្នាក់អាចដឹងបានជាដាច់ខាតសូម្បីតែរូបលោកផ្ទាល់។ លោកសង្កត់ធ្ងន់ទៀតថា ប្រសិនបើអ្នកប្រើប្រាស់ទាំងអស់ប្រើលេខសម្ងាត់ដូចគ្នាគ្រប់ Website ដែលតម្រូវឲ្យពួកគេLog ចូល នោះគណនីផ្សេងទៀតរបស់អ្នកទាំងនោះនឹងកាន់តែគ្រោះថ្នាក់ព្រោះHackerចំណាយពេលតែម្ដងអាចលួចគណនី (របស់អ្នករងគ្រោះនោះ) បានយ៉ាងច្រើន៕ អានព័ត៌មានបច្ចេកវិទ្យាសំខាន់ៗចុចត្រង់នេះ

ប្រែសម្រួល៖ ប៉ែត ផាន់និត ប្រភព៖ dailymail