ម៉ៅ ស៊ីណាត រកឃើញអ្នកថ្មី ជាបុរសពោះម៉ាយ
- 2015-12-24 16:21:08
- ចំនួនមតិ 0 | ចំនួនចែករំលែក 0
ម៉ៅ ស៊ីណាត រកឃើញអ្នកថ្មី ជាបុរសពោះម៉ាយ
ចន្លោះមិនឃើញ
ក្រោយប្រកាសរកស្វាមីកាលពីប៉ុន្មានខែមុន មេម៉ាយកូនមួយ ម៉ៅ ស៊ីណាត ទើបបានរកឃើញបុរសយល់ចិត្តម្នាក់ដែលសុខចិត្តស្លាប់ក្នុងថ្ងៃជាមួយគ្នា ទោះមិនបានកើតថ្ងៃជាមួយគ្នាក៏ដោយ។ នាងថ្លែងមកកាន់ Sabay ក្នុងឱកាសខួបកំណើត ថន លក្ខិណា កាលពីពេលថ្មីនេះ។ ម៉ៅ ស៊ីណាត និយាយថា៖ “អូនដឹងទេ...បងរំភើបខ្លាំងនៅពេលដែលគាត់កាន់ដៃបងយ៉ាងណែន ហើយនិយាយមកកាន់បងថា ទោះបីមិនបានកើតក្នុងថ្ងៃជាមួយខ្ញុំក៏ដោយ ប៉ុន្តែគាត់សុំស្លាប់ក្នុងថ្ងៃជាមួយគ្នានឹងខ្ញុំ គាត់បញ្ជាក់ប្រាប់បងថាបងហ៊ាននិយាយបងហ៊ានធ្វើ"។
តារាចម្រៀងចង្កេះអង្ក្រងរូបនេះបន្តឲ្យដឹងទៀតថា នាងជាមួយសង្សារកំពុងស្ថិតនៅ ក្នុងដំណាក់កាលមើលចិត្តគ្នា រាប់អានគ្នាជាសង្សារបើកចំហមិនមានការលួចលាក់អ្វីនោះឡើយ។
មិនតែប៉ុណ្ណោះ តារាចម្រៀងយេៗ ដដែលប្រាប់ថា នាងនិងសង្សារថ្មីទើបតែស្គាល់គ្នាប្រមាណជាង១០ថ្ងៃ ប៉ុន្តែគាត់ជាបុរសល្អម្នាក់ដែលអាចទទួលយកគ្រប់បែបយ៉ាងរបស់នាង ដោយមិនប្រកាន់ពីអតីតកាលធ្លាប់មានស្វាមីរួចមកហើយនោះទេ ព្រោះបុរសរូបនោះ ក៏ជាពោះម៉ាយដូចគ្នាដែរ។
“គាត់មិនមែនជាអ្នកមានអ្វីឡើយ ប៉ុន្តែគាត់ជាបុរសល្អ គាត់អាចទទួលគ្រប់យ៉ាងនូវអ្វីដែលបងមាន។ គាត់ប្រាប់ថាពេលបងនៅលើឆាកខុសពីខាងក្រៅ គាត់ថាបងជាមនុស្សដែលគួរឲ្យស្រលាញ់"។ ម៉ៅ ស៊ីណាត បន្ថែម។
ម៉ៅ ស៊ីណាត ប្រាប់បន្តទៀតថា នាងមិនទាន់កំណត់ពេលវេលារៀបការជាមួយបុរសពោះម៉ាយខាងលើនៅឡើយទេ ទោះបីជាក្រុមគ្រួសារទាំងសង្ខាងសុទ្ធសឹងតែបានដឹងឭពីទំនាក់ទំនងរបស់អ្នកទាំងពីរយ៉ាងណាក្ដី។ អ្នកម៉េម៉ាយរូបនេះអះអាងថា ចង់យកពេលវេលា ដើម្បីសិក្សាចិត្តគ្នាទៅវិញទៅមកបន្ថែមទៀតសិន៕
អត្ថបទ៖ ថា ម៉ាលីដា
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
