ឆ្នេរ​ប៉ាតាយ៉ា ​​ជា​កន្លែង​ទេសចរណ៍​ពេញ​និយម​​មួយ​​របស់​ថៃ​ ដែល​ទាក់ទាញ​ទេសចរ​បរទេស​ រួម​ទាំង​ប្រជាជន​ខ្មែរ​​​​​​ផងដែរ​ ជា​​ពិសេស​អំឡុង​រដូវ​​​បុណ្យ​ធំៗ​នានា ដូច​ជា​​គ្រិស្ដ​ស្មាស ឆ្លង​ឆ្នាំ​សកល​ ចូល​​ឆ្នាំ​ចិន ឬចូល​ឆ្នាំ​ខ្មែរ​ជាដើម។ ​តើ​ប៉ាតាយ៉ា ​មាន​អ្វី​​ទាក់​ទាញ​ ដែល​អាច​អន្ទង​ចិត្ត​អ្នកទស្សនា​បែប​នេះ?

​​​​មាន​ទី​តាំង​ស្ថិត​នៅ​ក្រុង​ប៉ាតាយ៉ា ខេត្ត​ឈុនប៊ូរី ​ភាគ​អាគ្នេយ៍​រាជ​ធានី​បាងកកប្រមាណ ១០០​គីឡូ​ម៉ែត្រ ​​ប៉ាតាយ៉ា​ល្បី​ឈ្មោះ​ព្រោះ​មាន​​​ឆ្នេរ​ស្រស់​ស្អាត​ សម​ស្រប​សម្រាប់​ដំណើរ​កម្សាន្តលក្ខណៈ​​ផ្សង​ព្រេង ​​ទស្សនា​សម្រស់​ទីក្រុង ​​វប្បធម៌ ​គយគន់​ថ្ងៃលិច និង​ដើរ​ទិញ​ឥវ៉ាន់​ជាដើម។

ខាង​ក្រោម​នេះ​ជា​កន្លែង​ទាក់ទាញ​​ចំនួន ១០ ​ដែល​នឹង​ជួយ​ភ្ញៀវ​ទេសចរ​ឲ្យ​​ស្វែង​រក​នូវ​អ្វី​ដែល​ពួកគេ​ចង់​បាន៖

​​​

១. Walking Street ​ផ្លូវ​ដើរ​នា​ពេល​រាត្រី​នេះ​ មាន​ភាព​អ៊ូអរ ​ដោយ​​​​សម្បូរ​ទៅ​ដោយ​​ក្លឹប​រាត្រី បា​ ភោជនីយដ្ឋាន ហាង​លក់​ទំនិញ​​ជា​ច្រើន​ផ្សេង​ទៀត ដែល​មាន​ទី​តាំង​នៅ​ភាគ​ខាង​ត្បូង​ឆ្នេរ។

២. ការ​សម្ដែង​​សិល្បៈ មាន​​របាំ ​កំប្លែង ​ចម្រៀង​ល្ខោន​ជាច្រើន​ទៀត

៣. ទស្សនា​សិល្បៈ​គំនូរ 3D នៅ​ផ្លូវទីពីរ​ Soi 1 ភាគ​ខាង​ជើង​ឆ្នេរ

៤. ចូលលេង Ripley’s Believe It Or Not នៅ​ជាន់ពី ៣នៃ​អគារ Royal Garden Plaza ផ្លូវ Beach Road ភាគ​ខាង​ត្បូង​ឆ្នេរ​

៥. សារមន្ទីរ​តុក្កតា​ខ្លាឃ្មុំ ​នៅ​ផ្លូវ Beach Road Soi 1 ភាគ​ខាង​ជើង​ឆ្នេរ​

៦. តំបន់ Bali Hai Pier ​ដែល​អ្នក​ទេសចរ​អាច​ស្ទូច​ត្រី ​​ងូត​ទឹក​យ៉ាង​សប្បាយ​រីករាយ

៧. ទស្សនា សម្រស់​​ឆ្នេរប៉ាតាយ៉ា​ ពី​ទួល​ Pratumnak Hill មើល​ឃើញ​ទីក្រុង​ស្ទើរ​ទាំង​មូល

៨. ​ទស្សនា​វត្ត​ជ័យ​មង្គល ដែល​មាន​ព្រឹត្តិការណ៍​​វប្បធម៌ និង​សាសនា​ដ៏​សម្បូរ​បែប មាន​ទីតាំង​នៅ​ចុង​ផ្លូវ​ភាគ​ខាង​ត្បូង​ឆ្នេរ​

​​​​

៩. ​ជិះ​អូប័រ​សណ្ដោង​ឆត្រ​យោង

​

១០. ឧទ្យាន​ប៉ាតាយ៉ា ​មាន​ឧបករណ៍​លេង​កម្សាន្ត​​ជាច្រើន​ចម្រុះ​គ្នា នៅ​ផ្លូវ Thappraya Road Soi 12

ចុចអាន៖ ​​សៀមរាប ជាប់​ជា​គោលដៅ​​ទេសចរណ៍​ទាំង​១០​នៅ​អាស៊ី​ សម្រាប់​ថ្ងៃ​ឆ្លង​ឆ្នាំ

ប្រែ​សម្រួល៖ ឡេង ភារុណ ប្រភព៖ Bangkok