រ៉ូបទាំង១០ ដែលធ្វើឲ្យ Fan Bing Bing ក្លាយជាកំពូលតារាកម្រាលព្រំក្រហម

2016-01-04 13:00:03
ចំនួនមតិ 0 | ចំនួនចែករំលែក 0

ចន្លោះមិនឃើញ

កំពូលតារាសម្ដែងអាស៊ី Fan Bing Bing តែងតែក្លាយជាទីចាប់អារម្មណ៍ជានិច្ច Xនៅរាល់កម្មវិធីដែលនាងចូលរួម ដោយសារតែសម្រស់ក៏ដូចស្ទីលសំលៀកបំពាក់ដែលពិបាកនឹងមានអ្នកត្រាប់តាម។

នៅក្នុងរ៉ូបពណ៌ខ្មៅរបស់ម៉ាកសំលៀកបំពាក់ Georges Chakra គួបផ្សំជាមួយនឹងនាឡិកានិងគ្រឿងអលង្ការម៉ាក Chopard តារាសម្ដែងត្រកូល Fan កាន់តែលេចធ្លោជាងមុន។

Elie Saab គឺជាម៉ាកសំលៀកបំពាក់មួយដែលទទួលបានការចាប់យ៉ាងពិសេសពី Fan Bing Bing។ រ៉ូបពណ៌ផ្កាឈូកស្ដើងដែលតារាអាយុ ៣៤ ឆ្នាំកំពុងស្លៀកនេះគឺស្ថិតក្នុង Collection រដូវស្លឹកឈើជ្រុះឆ្នាំ ២០១៥។

តារាសម្ដែងល្បីឈ្មោះស្លៀករ៉ូបដែលឆ្នៃឡើងដូចអាវក្រៅរបស់ម៉ាក Ulyana Sergeenko។ រ៉ូបនេះត្រូវច្នៃឡើងពីសាច់ក្រណាត់ Satin និងត្រូវគេវាយតម្លៃថា មានគំនិតច្នៃប្រឌិតខ្ពស់។

រ៉ូបពណ៌សធ្វើពីស្បៃដែលត្រូវច្នៃឡើងយ៉ាងប្រណិតរបស់ម៉ាក Ralph & Russo ដែលត្រូវបាន Fan Bing Bing ស្លៀកពេលសម្ពោធរឿង "Lady of the Dynasty” ទទួលបានការសរសើរពីអ្នកជំនាញក្នុងវិស័យសំលៀកបំពាក់យ៉ាងច្រើន។

មានវត្តមានក្នុងមហោស្រពភាពយន្ត Cannes លើកទី៦៨ Fan Bing Bing បានធ្វើឲ្យគ្រប់កាមេរ៉ាទាំងអស់ត្រូវងាកមកខ្លួន ជាមួយនឹងរ៉ូបវាលខ្នងរបស់ Ralph & Russo។

ការច្នៃប្រឌិតមកពីយីហោ Ralph & Russo នេះបានជួយឲ្យតារាស្រីស្រស់ស្អាតរបស់អាស៊ីជាប់ឈ្មោះជាតារាមានរ៉ូបស្រមោលសស្អាតជាងគេឆ្នាំ ២០១៥ ដែលត្រូវបានជ្រើសរើសដោយវិបសាយ Redcarpet។