Pep, Wenger, Van Gaal…កាលពីក្មេងលេងបាល់មិនណយ

2014-10-21 23:13:35
ចំនួនមតិ 0 | ចំនួនចែករំលែក 0

ចន្លោះមិនឃើញ

គេថានៅពីក្មេងមានទេពកោសល្យអ្វី ធំឡើងប្រាកដជាខ្លាំងណាស់នោះហើយ នេះជាពាក្យមួយឃ្លាដែលពិតជាត្រឹមត្រូវខ្លាំងណាស់។ ជាក់ស្ដែងគ្រូបង្វឹកក្លិបធំៗនៅលើលោកទាំងនេះ អីគឺសុទ្ធតែធ្លាប់ជាកីឡាករពូកែៗ ប្រឡូកលើសមរភូមិវាលស្មៅ កាលនៅពីក្មេង។ ចង់ដឹងច្បាស់ សូមមើលគ្រូបង្វឹកល្បីៗ៨នាក់ខាងក្រោម៖

១. Louis van Gaal (Manchester United)

Van Gaal (ស្ដាំ) ពេលលេងឲ្យ Sparta Rotterdam

Louis van Gaal ជាអ្នកចាត់ការក្លិបបិសាចក្រហម Manchester United ។ បុរសវ័យ៦៣ឆ្នាំរូបនេះ ធ្លាប់ជាខ្សែបម្រើដ៏ល្អកាលនៅក្មេងដែលធ្លាប់លេងនៅក្លិប Antwerp, Telstar , Sparta Rotterdam និង AZ Alkmaar ។ អ្វីដែលអតីតអ្នកចាត់ការដ៏ជោគជ័យរូបនេះសោកស្ដាយបំផុតនៅអំឡុងពេលជាកីឡាករនោះ គឺមិនបានបញ្ចេញថ្វីជើងលេងឱ្យក្លិប Ajax ដែលរូបលោកនៅបានមួយឆ្នាំដែរនោះ(ធ្លាប់នៅក្លិប Ajax មួយឆ្នាំ តែអត់ដែលបានចូលលេងសោះ)។

២. Carlo Ancelotti (Real Madrid)

លោក Ancelotti កាលនៅជាកីឡាករ (រូបកាន់ពាន)

Carlo Ancelotti ជាគ្រូបង្វឹករបស់ក្លិបយក្សអេស្ប៉ាញ Real Madrid ។ បុរសវ័យ៥៥ឆ្នាំរូបនេះធ្លាប់ជាកីឡាករលេងបានយ៉ាងល្អនៅតំបន់បម្រើកណ្ដាលពេលលេងនៅ Parma, Roma និង AC Milan ។ បុរសជនជាតិអ៊ីតាលីរូបនេះកាលលេង Roma ធ្លាប់បានជួយក្លិបនេះឈ្នះពាន Serie A ១ដងនិង Coppa Italia ៤ដង។ ចំណែកពេលលេងនៅ Milan វិញរូបលោកអាចឈ្នះពាន European Cup ២ដង, UEFA Super Cup ២ដង, Serie A ២ដង, Supercoppa Italiana ម្ដង និង Intercontinental Cup ២ដង។

៣. Jose Mourinho (Chelsea)

Mourinho កាលនៅជាកីឡាករ (ជួរអង្គុយ ខាងស្ដាំ) ថតឆ្នាំ១៩៨៧

Jose Mourinho មានមុខងារជាអ្នកចាត់ការរបស់ក្លិប Chelsea បច្ចុប្បន្ន។ មុនមានថ្ងៃនេះ បុរសវ័យ៥១ឆ្នាំរូបនេះធ្លាប់លេងឱ្យក្លិបនៅប្រទេសព័រទុយហ្គាល់ចំនួន៤ដែរគឺ Rio Ave, Belenenses, Sesimbra និង Comercio e Industria មុនពេលលោកបោះបង់ស្បែកជើងជាកីឡាករចោលត្រឹមវ័យ២៤ឆ្នាំ។

៤. Pep Guardiola (Bayern Munich)

Pep Guardiola សព្វថ្ងៃជាគ្រូបង្វឹករបស់ក្រុម Bayern Munich ។ អ្នកចាត់ការវ័យក្មេងរូបនេះធ្លាប់ជាកីឡាករដែលលេងនៅក្លិបជាច្រើនដូចជា Barcelona, Brescia , Roma , Al-Ahli និង Dorados ។ រយៈពេលដែលបុរសវ័យ៤៣ឆ្នាំរូបនេះជោគជ័យបំផុតអំឡុងពេលជាកីឡាករបាល់ទាត់នោះគឺពេលលេងនៅក្លិប Barcelona ដោយអាចជួយក្លិបនេះឈ្នះពាន La Liga ៦ដង, Copa del Rey ២ដង, Spanish Super Cup ៤ដង, European Cup ម្ដង, UEFA Cup Winners' Cup ម្ដង និង UEFA Super Cup ២ដង។

៥. Arsene Wenger (Arsenal)

Arsene Wenger បច្ចុប្បន្នជាគ្រូបង្វឹករបស់ក្លិប Arsenal។ បុរសវ័យ៦៤ឆ្នាំរូបនេះកាលពីក្មេងធ្លាប់លេងឱ្យក្លិបជាច្រើនដូចជា Mutzig , Mulhouse , ASPV Strasbourg និង RC Strasbourg ដែលក្លិបទាំងអស់នេះគឺសុទ្ធតែនៅប្រទេសបារាំងទាំងអស់។ ឆ្នាំដែលជោគជ័យបំផុតអំឡុងពេលជាកីឡាកររបស់អ្នកចាត់ការសញ្ជាតិបារាំងរូបនេះគឺឆ្នាំ១៩៧៨-១៩៧៩ ដែលកាលនោះលោកលេងនៅ RC Strasbourg អាចជួយក្លិបនេះឈ្នះពាន Ligue 1 ។

៦. Luis Enrique (Barcelona)

Luis Enrique ជាអ្នកចាត់ការថ្មីរបស់ក្លិប Barcelona ។ បុរសវ័យ៤១ឆ្នាំរូបនេះជាអតីតខ្សែបម្រើរបស់ក្លិប Barcelona , Real Madrid និង Sporting Gijon ។ អំឡុងពេលអ្នកចាត់ការថ្មីរបស់ Barca រូបនេះលេងនៅ Real Madrid អាចជួយក្លិបនេះឈ្នះពាន La Liga មួយដង, Copa del Rey មួយដងនិង Spanish Super Cup មួយដង។ ចំណែកកាលលេងនៅ Barcelona វិញរូបលោកក៏បានជួយក្លិបនេះឈ្នះពាន La Liga ២ដង, Copa del Rey ២ដង, Spanish Super Cup មួយដង, UEFA Cup Winners' Cup មួយដង និង UEFA Super Cup មួយដង។

៧. Manuel Pellegrini (Manchester City)

លោក Manuel Pellegrini សព្វថ្ងៃជាគ្រូបង្វឹករបស់ក្រុម Manchester City ។ បុរសដែលធ្លាប់បានដឹកនាំក្លិប១០រួចមកហើយនេះកាលពីក្មេងធ្លាប់លេងឱ្យតែមួយក្លិបទេគឺ Universidad de Chile ពីឆ្នាំ១៩៧៣ ដល់១៩៨៦។ អតីតកីឡាករជម្រើសជាតិឈីលីរូបនេះកាលនៅជាកីឡាករបាល់ទាត់ក៏មានរហស្សនាមមួយផងដែរថា The Engineer ។

៨. Brendan Rodgers (Liverpool)

Rodgers (ជួរឈរ ខាងឆ្វេងគេ) ពេលលេងឲ្យក្រុមយុវជន Ballymena

Brendan Rodgers ជាគ្រូបង្វឹករបស់ក្លិប Liverpool ។ កាលនៅលេងជាកីឡាករបាល់ទាត់រូបលោកជាខ្សែការពារល្អម្នាក់របស់ក្លិបនៅប្រទេសអៀរឡង់ខាងជើងប៉ុន្តែជាអកុសលដោយសារបញ្ហារបួសជង្គង់បានធ្វើឱ្យបុរសរូបនេះឈប់លេងបាល់ត្រឹមអាយុ២០ឆ្នាំ។

ក្រៅពីគ្រូបង្វឹកទាំង៨ខាងលើ ក៏មានគ្រូបង្វឹកជាច្រើនទៀតដែរ ដែលធ្លាប់ជាកីឡាករកាលនៅពីក្មេង៕

ចុចអាន៖ អតីតកីឡាករបាល់ទាត់ល្បីទាំងបីរូបនេះមានកូនស្រីសម្រស់មិនចាញ់តារា

ប្រែសម្រួល៖ មុន្នី រម្យ

ប្រភព៖ dailymail

ពាក្យទាក់ទង

កីឡាបាល់ទាត់អន្តរជាតិ

អត្ថបទពេញនិយម

កម្ពុជា អាចមានភ្លៀងធ្លាក់ រយៈពេល៣ថ្ងៃ

ច្បាស់ការហើយ ! ND MGI 2024 ឥណ្ឌា សម្រេចចិត្តមិនបន្តកុងត្រាដោយសារកត្តា៤ចំណុចនេះ

ចេញលក់ជាង ១ខែ! Galaxy A51/A71 តម្លៃថ្មីនិងមួយទឹកខុសគ្នាប៉ុន្មាន?

ដោយសារតែការចាញ់៤ប្រកួតជាប់គ្នាធ្វើឲ្យ Pep បន្តកុងត្រានៅ Man City

អតីត Top 10 Miss Universe Cambodia 2023 ខុន ស្រីខួច ក្លាយជាម្ចាស់មកុដ Miss Global Cambodia 2024 ខណៈនាងសន្យាបែបនេះជាមួយប្រជាជនខ្មែរ

កំពូលកាក់ឌីជីថលលើលោក Bitcoin បំបែកកំណត់ត្រាតម្លៃជិត ១០ម៉ឺនដុល្លារក្នុង១កាក់

អត្ថបទថ្មី

ព្រឹត្តិការណ៍ ប្រចាំឆ្នាំ “តោះ! ដើរឡើងភ្នំបូកគោ ដើម្បីសុខភាពកុមារ” ដើម្បីរៃអង្គាសថវិកា ឧបត្ថម្ភដល់ មន្ទីរពេទ្យកុមារអង្គរខេត្តសៀមរាប

Jude Bellingham ត្រូវបានជាប់ឈ្មោះជាកីឡាករល្អបំផុតប្រចាំឆ្នាំនៅ La Liga

ដោយសារតែការចាញ់៤ប្រកួតជាប់គ្នាធ្វើឲ្យ Pep បន្តកុងត្រានៅ Man City

តស់! លឺថាល្អមើល ហើយណែនាំដោយអ្នកជំនាញក្នុងវិស័យភាពយន្ត នាំគ្នាទៅមើលរឿង "អ្នកស្នងអគារ" ជាមួយការបញ្ចុះតម្លៃពិសេសសម្រាប់អតិថិជន SmartVIP