ភ្ញាក់ផ្អើល! តម្លៃខ្លួនកីឡាករខែមករានេះ Hazard ថ្លៃជាង CR7

2016-01-06 20:09:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ការសិក្សាថ្មីមួយពីតម្លៃខ្លួនកីឡាករនៅខែមករានេះរបស់ CIES Football Observatory ដែលចេញពីថ្ងៃចន្ទ បានបង្ហាញថា Lionel Messi តារាឆ្នើមក្រុម FC Barcelona មានតម្លៃខ្លួនថ្លៃដាច់គេលេខ១ ខណៈដែលមិត្តរួមក្រុមរបស់គេ Neymar លេខ២ ប៉ុន្តែភ្ញាក់ផ្អើលត្រង់ថា Eden Harzad នៅលេខ៣ លើ Cristiano Ronaldo។

Messi វ័យ២៨ឆ្នាំ មានតម្លៃខ្លួន២៥០,៧លានអឺរ៉ូ (ជិត២៧០លានដុល្លារ) ឈរកំពូលតារាង ខណៈដែលកីឡាករឆ្នើមប្រេស៊ីលវ័យ២៣ឆ្នាំ Neymar មានតម្លៃខ្លួន (ជាង១៦៤លានដុល្លារ) ចំណាត់ថ្នាក់លេខ២។

ចំណែកឯ Hazard វ័យ២៤ឆ្នាំរបស់ក្រុម Chelsea ដែលធ្លាក់ទម្រង់លេងខ្លាំងរដូវកាលនេះ មានតម្លៃខ្លួន១៣០,៥លានអឺរ៉ូ (ជាង១៤០លានដុល្លារ) លើ Ronaldo វ័យ៣០ឆ្នាំរបស់ Real Madrid ដែលមានតម្លៃខ្លួន១១៤លានអឺរ៉ូ (ជាង១២២,៥លានដុល្លារ) ដែលស្ថិតនៅលេខ៤ ក្នុងតារាងកីឡាករថ្លៃជាងគេបង្អស់។

ការស្រាវជ្រាវខាងលើនេះគឺគិតទៅលើទម្រង់លេងរបស់កីឡាករប្រចាំឆមាសចុងក្រោយ តំណែងលេង អាយុ សុពលភាពកុងត្រា កម្រិតលីក ស្នាដៃជាមួយក្លិប និងស្នាដៃនៅក្រុមជម្រើសជាតិជាដើម៕

-ចុចអាន៖ Zidane៖ “Hazard គឺជាកីឡាករដែលខ្ញុំពេញចិត្តបន្ទាប់ពី Ronaldo & Messi”

ប្រែសម្រួល៖ វិន ជីវ័ន្ត ប្រភព៖ espnfc | thesun