Fan Bing Bing ទទួលស្គាល់ថាខ្លួនជាអ្នកញ៉ែមិត្តប្រុសមុន

2016-01-13 13:42:15
ចំនួនមតិ 0 | ចំនួនចែករំលែក 0

ចន្លោះមិនឃើញ

មានវត្តមានក្នុងកម្មវិធីជជែកកម្សាន្ត "Kangxi Laile” តារាសម្ដែងស្រីល្បីឈ្មោះ Fan Bing Bing បានបង្ហើបថានាងបានចាប់ចិត្តលើមិត្តប្រុសតាំងពីពេលជួបគ្នាលើកដំបូងពេលថតរឿង "The Empress of China” ម្ល៉េះ។

យប់ថ្ងៃ ១១ ខែមករា ប៉ុស្តិ៍ទូរទស្សន៍តៃវ៉ាន់បានចាក់ផ្សាយភាគបញ្ចប់របស់កម្មវិធីដែលមានប្រជាប្រិយភាព "Kangxi Laile” ដែលមានតារាកិត្តិយសចូលរួម២រូប គឺ Fan Bing Bing និងមិត្តប្រុសរបស់នាង Li Chen។ នៅក្នុងកម្មវិធីនេះ ស្រីស្អាតត្រកូល Fan បានទទួលស្គាល់ជាលើកទី១ថានាងជាអ្នកសួរចិត្ត Li Chen មុន។

តារាស្រីអាយុ ៣៤ ឆ្នាំបានបង្ហើបថានាងនិងតារាសម្ដែងត្រកូល Li ស្គាល់គ្នាបានជាង ១០ហើយតែមិនដែលមានឱកាសស្និទ្ធស្នាលក៏ដូចជាស្វែងយល់ពីគ្នានោះទេ។

“រហូតដល់ពេលសហការជាមួយគ្នាក្នុងរឿង "The Empress Of China” ទើបខ្ញុំបានយល់ច្បាស់ពីគាត់។ Li Chen គឺច្បាស់លាស់ក្នុងរឿងការងារខ្លាំងណាស់ គាត់អាចសម្ដែងទាំងមិនចាំបាច់ប៉ារ៉ូលឡើងវិញ។ រឿងនេះបានផ្ដិតជាប់ក្នុងចិត្តរបស់ខ្ញុំយ៉ាងជ្រៅ។ ខ្ញុំបានទៅសុំលេខទូរស័ព្ទនិងទាក់ទងទៅគាត់មុនពេលរឿងថតចប់"។ Fan Bing Bing រំឭកឡើងវិញ។ នាងក៏បានបន្ថែមទៀតថា នៅពេលនាងទៅសុំលេខទូរស័ព្ទ Li Chen បានអៀនយ៉ាងខ្លាំងព្រោះនេះគឺជាការងារគឺរបស់អ្នកផលិតរឿង (នៅក្នុងរឿងនេះ Fan Bing Bing បានទទួលបន្ទុក២គឺសម្ដែងជាតួឯកនិងផលិតករ)។