ម្ចាស់ Facebook ណែនាំឲ្យគ្រប់គ្នាអានសៀវភៅដ៏ល្អ ៩ក្បាលនេះ

2016-01-13 21:39:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ម្ចាស់បណ្ដាញសង្គមយក្ស Facebook លោក Mark Zucherberg ក្រៅពីរវល់នឹងក្រុមហ៊ុនខ្លួន លោកក៏ជាមនុស្សចូលចិត្តអានសៀវភៅច្រើនដែរ ពោលគឺ លោកបានអានសៀវភៅមួយក្បាលក្នុងរយៈពេល ២សប្ដាហ៍ ដែលសៀវភៅទាំងនោះផ្ដោតទៅលើវប្បធម៌ ជំនឿ ប្រវត្តិសាស្ត្រ និងបច្ចេកវិទ្យា ប្លែកៗគ្នា។

លោកបានសរសេរនៅលើទំព័រ Facebook ដ៏ធំរបស់ខ្លួនថា៖ "សៀវភៅអាចជួយឲ្យអ្នកស្វែងរកព័ត៌មានមួយបានពេញលេញ និងជួយឲ្យអ្នកគិតបានស៊ីជម្រៅជាងប្រព័ន្ធផ្សព្វផ្សាយសព្វថ្ងៃ។ ខ្ញុំកំពុងសម្លឹងមើលការផ្លាស់ប្ដូរបណ្ដាញសង្គមរបស់ខ្ញុំបន្ថែមទៀត តាមរយៈការអានសៀវភៅឲ្យបានច្រើន"។

បន្ថែមលើនេះ លោកបានលើកទឹកចិត្ត ក៏ដូចជាណែនាំសៀវភៅ ៩ក្បាល ដែលលោកអានរួច និងគ្រប់គ្នាគួរអានដែរ មានដូចជា៖

១. The End of Power និពន្ធដោយ Moisés Naím

សៀវភៅនេះ បានបង្រៀនមនុស្សឲ្យមានថាមពល សេចក្ដីក្លាហាន ចំពោះបញ្ហាដែលខ្លួនប្រឈម។

២. Creativity, Inc. និពន្ធដោយ Ed Catmull

លោកចូលចិត្តអានសៀវភៅនេះ ព្រោះវានិយាយអំពី វិធីសាស្ត្រមនុស្សបង្កើតក្រុមហ៊ុនឲ្យបានជោគជ័យ ការបង្កើតថ្មី និងគំនិតច្នៃប្រឌិត។

៣. The Better Angels of Our Nature និពន្ធដោយ Steven Pinker

លោកថា សៀវភៅ ៨០០ទំព័រនេះ សរសេរដោយសាស្ត្រាចារ្យចិត្តវិទ្យានៃសាកលវិទ្យាល័យ Harvard ហាក់មានការបំភិតបំភ័យ តែការសរសេរងាយស្រួលយល់ ពីការកាត់បន្ថយអំពើហិង្សា ខណៈដែលមហាសេដ្ឋី Bill Gates ក៏ចាត់ទុកសៀវភៅនេះសំខាន់មួយដែរ ដែលគាត់ធ្លាប់អាន។

៤. On Immunity និពន្ធដោយ Eula Biss

សៀវភៅនេះរៀបរាប់អំពី ការបញ្ជាក់យ៉ាងច្បាស់របស់វិទ្យាសាស្ត្រអំពីតួនាទីរបស់វ៉ាក់សាំង និងអត្ថប្រយោជន៍សម្រាប់សុខភាពគ្រប់គ្នា។ Zucherberg សរសេរថា សៀវភៅនេះត្រូវក្រុមអ្នកវិទ្យាសាស្ត្រ និងបុគ្គលិកពេទ្យ ជាអ្នកណែនាំឲ្យលោកអាន។

៥. Gang Leader for a Day និពន្ធដោយ Sudhir Venkatesh

Venkatesh ជាសាស្ត្រាចារ្យសង្គមវិទ្យា នៃសកលវិទ្យាល័យកូឡុំប៊ី ដែលបានសរសេរ និងបានភ្ជាប់ខ្លួនគាត់ទៅនឹងក្រុមបងធំ ឈីហ្កាហ្គោ ក្នុងឆ្នាំ ១៩៩០។ ក្រោយអានចប់ មហាសេដ្ឋីវ័យក្មេង Zuckerberg និយាយថារឿងរបស់ Venkatesh បានជួយជំរុញឲ្យមានទំនាក់ទំនង និងស្វែងយល់អំពីរនាំងសេដ្ឋកិច្ច និងវប្បធម៌ខុសគ្នា។

៦. The Structure of Scientific Revolutions និពន្ធដោយ Thomas S. Kuhn

សៀវភៅនេះ បរិយាយអំពី ការរីកចម្រើនរបស់វិទ្យាសាស្ត្រ ជាកត្តាជំរុញឲ្យរីកចម្រើនផ្នែកសង្គមផងដែរ។

៧. Orwell's Revenge និពន្ធដោយ Peter Huber

អ្នកនិពន្ធ សរសេរបែបរឿងប្រឌិត កាលឆ្នាំ ១៩៨៤ ដែលមនុស្សជាទាសករ អាចរើខ្លួនបាន ដោយការរីកចម្រើនផ្នែកបច្ចេកវិទ្យា និងបានរៀបរាប់ពីអត្ថប្រយោជន៍អ៊ីនធឺណិត ដែលមនុស្សបានផ្លាស់ប្ដូរសង្គមមួយ។

៨. Dealing with China និពន្ធដោយ Henry M. Paulson

Zucherberg ពេញចិត្តយ៉ាងខ្លាំងចំពោះវប្បធម៌ចិន អស់រយៈពេលជាច្រើនឆ្នាំមកហើយ និងជាគោលបំណងរបស់គាត់ជាយូរ ក្នុងការបញ្ចុះបញ្ចូលរដ្ឋាភិបាលចិន ដើម្បី អនុញ្ញាតឲ្យប្រជាជនចិនប្រើប្រាស់ Facebook ព្រោះគាត់គិតថា ឥទ្ធិពលចិនកំពុងកើនឡើងនៅជុំវិញពិភពលោក។