ការប្រើប្រាស់ម៉ាស៊ីន ATM ក្រៅពីងាយស្រួលក៏នាំហានិភ័យខ្ពស់

2016-01-14 02:49:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រើប្រាស់ម៉ាស៊ីន ATM មានការកើនឡើង តែក៏កំពុងបង្កើតក្តីព្រួយបារម្ភដល់អតិថិជនដោយសារមានការកើតមានឡើងបទឧក្រិដ្ឋការលួចលុយតាមប្រព័ន្ធ ATM ដែលទាមទារបណ្តាស្ថាប័នហិរញ្ញវត្ថុនានាត្រូវយកចិត្តទុកដាក់និងរកវិធានការបង្កាសុវត្ថិភាពឲ្យមានប្រសិទ្ធភាព។

ប្រធានប្រតិបត្តិរបស់ក្រុមហ៊ុន First Cambodia លោក Rob Grantham បានថ្លែងថា ប្រព័ន្ធសុវត្ថិភាពគឺមានសារះសំខាន់ណាស់សម្រាប់ស្ថាប័នហិរញ្ញវត្ថុដែលប្រើប្រាស់ប្រព័ន្ធម៉ាស៊ីន ATM បម្រើដល់អតិថិជនដើម្បីបញ្ចៀសហេតុការណ៍អាក្រក់ដែលអាចកើតមានឡើង។

លោកបញ្ជាក់ថា បញ្ហាប្រឈមមានដូចជាការលួចដោយផ្ទាល់ និងការលួចតាមប្រព័ន្ធ Online ពីបណ្តាញក្រុមឧក្រិដ្ឋជន។ ករណីទាំងនេះធ្លាប់បានកើតមានឡើងដែលបានបង្កើតក្តីកង្វល់ជាច្រើន ហេតុនេះម្ចាស់ស្ថាប័នហិរញ្ញវត្ថុនានាត្រូវតែស្វែងរកដំណោះស្រាយក៏ដូចជាពង្រឹងប្រព័ន្ធសុវត្ថិភាពឲ្យកាន់តែរឹងមាំ ដើម្បីចៀសវាងហានិភ័យក៏ដូចជាផ្តល់ទំនុកចិត្តដល់អតិថិជនក្នុងការប្រើប្រាស់ប្រព័ន្ធសេវាធនាគាររបស់ខ្លួន។

ចំនួនការប្រើប្រាស់ម៉ាស៊ីន ATM នៅប្រទេសកម្ពុជាកំពុងមានការកើនឡើង ដោយគ្រឹះស្ថានហិរញ្ញវត្ថុនានាបានខិតខំពង្រីកបន្ថែមប្រព័ន្ធដកប្រាក់ទំនើបនេះនៅគ្រប់ទីកន្លែង ដើម្បីបម្រើសេចក្តីត្រូវការរបស់អតិថិជន។ យ៉ាងណាធ្លាប់មានករណីកើតមានឡើងជាហូហែរដោយមានជនទុច្ចរិតបានប្រើប្រាស់ប្រព័ន្ធបច្ចេកវិទ្យាដើម្បីលួចដកប្រាក់ពីអតិថិជនតាមរយៈប្រព័ន្ធ ATM។

លោក Grantham បានបន្ថែមថា វិធានការដោះស្រាយចំពោះមុខគឺត្រូវពង្រឹងដោយផ្ទាល់ទាំងប្រព័ន្ធសុវត្ថិភាព online និងសុវត្ថិភាពទូទៅដែលស្ថាប័នហិរញ្ញវត្ថុទាំងអស់គួរយកចិត្តទុកដាក់ឲ្យបានខ្ពស់បំផុត ដើម្បីរក្សាបានទំនុកចិត្តពីអតិថិជន។

នៅព្រឹកមិញនេះ ក្រុមហ៊ុន First Cambodia បានសហការជាមួយក្រុមហ៊ុន Wincor Nixdorf បង្ហាញពីប្រព័ន្ធការពារសុវត្ថិភាព ATM របស់ក្រុមហ៊ុន Wincor Nixdorf មានឈ្មោះថា Terminal Security ដែលមានការចូលរួមពីគ្រឹះស្ថានហិរញ្ញវត្ថុនានា។ ក្នុងកម្មវិធីវាគ្មិនបានធ្វើការបង្ហាញពីអត្ថប្រយោជន៍នៃបច្ចេកវិទ្យា Terminal Security ដូចជា Hard disk encryption, Access Protection និង Intrusion Protection ព្រមទាំង Solutions ផ្សេងៗទៀតដែលពាក់ព័ន្ធជាមួយម៉ាស៊ីន ATM។ ក្នុងនោះក៏មានការធ្វើ Case Study ដើម្បីអ្នកចូលរួមអាចស្វែងយល់ដោយផ្ទាល់ផងដែរ។

អត្ថបទ៖ ប៊ុណ្ណារ៉ា

ពាក្យទាក់ទង

ព័ត៌មានបច្ចេកវិទ្យាក្នុងស្រុក

អត្ថបទពេញនិយម

ឧកញ៉ា គិត ស៊ូឡា ឡើងជានាយកគ្រប់គ្រងផ្នែកប្រតិបត្តិការ ក្រុមហ៊ុន រ៉ូយ៉ាល់គ្រុប អន្តរជាតិ

លក្ខខណ្ឌទាំងនេះ ត្រូវបានអតីតតារាសម្ដែង ម៉ៅ ចំណាន បំពេញគ្រប់ សម្រាប់បេក្ខភាពប្រធានសមាគម

ត្រៀមកន្លែងថតរូបថ្មី! អាជ្ញាធរខេត្តកំពត ចាប់ផ្តើមសាងសង់ប្រាសាទលោកយាយម៉ៅលើកំពូលភ្នំទ្វារ ឡានម៉ូតូក៏អាចបើកឡើងដល់ដែរ

ផ្លូវជាតិលេខ៤៨ ស្រែអំបិល-កោះកុង សម្រេចសាងសង់បានពាក់កណ្តាលហើយ និងគ្រោងបញ្ចប់ចាក់កៅស៊ូឆ្នាំក្រោយ

ខេត្តដែលទទួលបានភ្ញៀវទេសចរច្រើនជាងគេ និងតិចជាងគេបង្អស់ក្នុងឱកាសចូលឆ្នាំខ្មែរ

ងាយៗ! ពិនិត្យមើលសំបកកង់៣ចំណុចធំៗនេះដោយខ្លួនឯងបាន ចៀសវាងបែកកង់តាមផ្លូវ

អត្ថបទថ្មី

មកស្គាល់ប្រព័ន្ធសុវត្ថិភាពចំនួន ១០ ដែលបំពាក់លើរថយន្តបច្ចុប្បន្ន

Neuer បង្កើតកំណត់ត្រាថ្មីក្នុង Champions League

វគ្គ Semi Final របស់ Europa League ឆ្នាំនេះ សុទ្ធតែគីឡូធ្ងន់

ចាប់ផ្តើមដំណើរឆ្ពោះទៅរកភាពភ្លឺថ្លា POND'S Bright Miracle បង្ហាញពីភាពច្នៃប្រឌិតក្នុងការថែរក្សាស្បែក

តើក្រុមបាល់ទាត់ជម្រើសជាតិប្រទេសណាជាប់លេខ១ នៅទ្វីបអាស៊ី?

ត្រៀមខ្លួនហើយឬនៅ សម្រាប់ដំណើរទៅលេងបុណ្យភ្នំ-ឧទ្យានជាតិគិរីរម្យ នាដើមខែឧសភា ឆ្នាំ២០២៤ នេះ?