Miley Cyrus អាចនឹងចូលរោងការជាមួយអតីតគូដណ្តឹង

2016-01-16 17:45:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ចំណងស្នេហ៍រវាងតារាចម្រៀងសម្បូររឿងអាស្រូវ Miley Cyrus និងអតីតគូដណ្ដឹង Liam Hemsworth ដែលបានបែកគ្នាកាលពីឆ្នាំ ២០១៣ ទំនងនឹងអាចផ្សះផ្សាឡើងវិញ ដោយប្រភពជិតដិតនឹងតារាទាំងពីរបង្ហើបថា ពួកគេកំពុងគិតគូរដល់រឿងចូលរោងជាមួយគ្នាទៀតផង។

«Miley ថា នាងចាំក្លាយខ្លួនជាអ្នកស្រី Hemworth មិនចង់បានទេ ហើយចង់រៀបការឲ្យបានលឿនតាមដែលអាចធ្វើទៅបាន»។ ប្រភពមួយបានបញ្ជាក់ប្រាប់ទស្សនាវដ្ដី Life & Style។ ប្រភពដដែលបន្តថា នាងចង់រៀបចំពិធីរៀបអាពាហ៍ពិពាហ៍ធំបំផុតទៀតផង។

កាលពីសប្ដាហ៍កន្លងទៅ ប្រភពមួយផ្សេងទៀតបានប្រទះឃើញតារាទាំងពីរថើបគ្នាយ៉ាងផ្អែមល្ហែមក្នុងពិធីជប់លៀងកម្មវិធី Golden Globes ដែលនោះជាសញ្ញាបង្ហាញពីការបើកភ្លើងខៀវជាថ្មីនៃសម្ពន្ធភាពតារាទាំងពីរ។

ឥលូវមានតែចាំមើលការទទួលស្គាល់ជាផ្លូវការរវាងតារាទាំងពីរតែប៉ុណ្ណោះ ដែលអាចបញ្ជាក់ការពិតបាន។ ចុះបើពួកគេត្រឡប់មកត្រូវរ៉ូវគ្នាមែន ប្រិយមិត្តគាំទ្រឬទេ?

ប្រែសម្រួល៖ ប្រាក់ ចាន់សីហា ប្រភព៖ Lollipop