ដឹងទេថាថ្នាំឡានអាចរងការខូចខាតដោយសារការលាងសម្អាតឡាន?

2016-01-19 13:15:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ម្ចាស់រថយន្តមួយចំនួនតូចស្រឡាញ់រថយន្តខ្លាំងហេតុនេះមិនចង់ឲ្យរថយន្តកខ្វក់ ដោយតែងតែយករថយន្តទៅលាងសម្អាតជាញឹកញាប់ទោះបីមានស្នាមប្រឡាក់តិចក្ដី ច្រើនក្ដី។ នេះក៏ដោយសារតែពួកគេមិនបានដឹងទេថាថ្នាំឡានអាចបាត់បងគុណភាពដោយសារការលាងសម្អាតជាញឹកញាប់នេះបាន។

ខាងក្រោមជាផលប៉ះពាល់មួយចំនួនដែលអាចកើតមានឡើងដោយសារការលាងសម្អាត៖

@ការលាងសម្អាតដោយម៉ាស៊ីនស្វ័យប្រវត្តិ ដែលប្រើច្រាស់បង្វិលនោះអាចបណ្ដាលឲ្យមានស្នាមឆ្កូត និងថ្នាំរថយន្តរងការខូចខាតក្នុងកម្រិតមួយដ៏ខ្ពស់

@ការប្រើប្រាស់ទឹកដែលមានជាតិគីមីខ្លាំង អាចបណ្ដាលឲ្យថ្នាំការពាររថយន្តត្រូវបានរបើក រងការខូចខាត

@កម្លាំងទឹកខ្លាំងពេក អាចធ្វើឲ្យផ្នែកខាងក្រៅមួយចំនួននៃរថយន្តរងការខូចខាត ហើយកម្លាំងទឹកទាំងនេះក៏អាចធ្វើឲ្យទឹកខ្ទាតចូលផ្នែកណាមួយនៃរថយន្តដែលមិនគួរឲ្យមានទឹកចូល

@វិធីសម្ងួតដែលមិនត្រឹមត្រូវដូចជាប្រើកន្លែងឬក្រណាត់កខ្វក់ដើម្បីជូត អាចបណ្ដាលឲ្យមានស្នាមឆ្កូត មិនតែប៉ុណ្ណោះរថយន្តជូតមិនបានស្ងួតក៏អាចធ្វើឲ្យទឹកជ្រាបចូលទឹកថ្នាំរថយន្ត ដែលបណ្ដាលឲ្យមានស្នាមប៉ោងផងដែរ

ការណែនាំ៖ គួរលាងសម្អាតរថយន្តដោយខ្លួនឯង និងប្រើប្រាស់វិធីដ៏ត្រឹមត្រូវ ឬក៏យកទៅឲ្យក្រុមហ៊ុនដែលមានជំនាញត្រឹមត្រូវធ្វើការលាងសម្អាតដើម្បីធានាថារថយន្តសំណប់ចិត្តរបស់អ្នកនឹងមិនរងខូចខាត៕

ចុចអាន៖ វិធីបញ្ឈប់រថយន្តក្នុងករណីដែលហ្រ្វាំងមានបញ្ហា

ប្រែសម្រួល៖ ហៃ សុខហេង ប្រភព៖ IncrediblyDetailed