ចំណុចបីគួរស្វែងយល់ដើម្បីធានាសុវត្ថិភាពពេលចតឡាននៅតំបន់ចំណោត

2016-01-20 13:15:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ការចតរថយន្តនៅតំបន់ទួលចំណោត គឺខុសពីការចតរថយន្តនៅលើតំបន់មានទីរាបស្មើ ដោយសារគេត្រូវប្រុងប្រយ័ត្នលើបញ្ហាលំនឹងជាធំ ប្រសិនបើមានបញ្ហាថ្លោះធ្លោយអ្វីនោះរថយន្តអាចរអិលទៅក្រោយឬទៅមុខដែលបណ្ដាលឲ្យរងការខូចខាតធ្ងន់ធ្ងរ ឬបង្កើតជាគ្រោះថ្នាក់ដោយចៃដន្យ។

ខាងក្រោមមានជាគន្លឹះបីដែលជួយបង្ការកុំឲ្យមានផលប៉ះពាល់ខ្លាំងចំពោះរថយន្តមានបញ្ហាលំនឹង៖

-នៅពេលចតឡានលើតំបន់ដែលឡើងចំណោទ គួរបង្វិលកង់ខាងមុខចេញពីចិញ្ចើមផ្លូវ បន្ទាប់មកឲ្យរថយន្តរបស់អ្នកថយក្រោយយឺតៗ រហូតដល់ផ្នែកខាងក្រោយនៃកង់ខាងមុខប៉ះនឹងចិញ្ចើមផ្លូវ។ ការធ្វើបែបនេះគឺដើម្បីប្រើប្រាស់ចិញ្ចើមផ្លូវនោះជួយទប់ចលនារថយន្ត ក្នុងករណីមានបញ្ហា។

-នៅពេលចតឡានលើតំបន់ចុះចំណោទ បង្វិលកង់ខាងមុខទៅខាងស្ដាំឲ្យទល់នឹងចិញ្ចើមផ្លូវ បន្ទាប់មកឲ្យរថយន្តរបស់អ្នករអិលទៅមុខយឺតៗ រហូតដល់ផ្នែកខាងមុខនៃកង់ខាងមុខប៉ះនឹងចិញ្ចើមផ្លូវ។

-ក្នុងករណីដែលចតឡានលើតំបន់ឡើងចំណោទ ឬចុះចំណោទដែលគ្មានចិញ្ចើមផ្លូវទេ ត្រូវតែបង្វិលកង់រថយន្តទៅផ្នែកខាងស្ដាំជានិច្ច ដូចនេះប្រសិនបើឡានរបស់អ្នករអិលទៅមុខ ឬរអិលថយក្រោយវានឹងមិនរអិលចូលទៅក្នុងផ្លូវចរាចរណ៍នោះឡើយ៕

ចុចអាន៖ ដឹងទេថាថ្នាំឡានអាចរងការខូចខាតដោយសារការលាងសម្អាតឡាន?

ប្រែសម្រួល៖ ហៃ សុខហេង ប្រភព៖ DriversEd