ប្រពន្ធ Por បង្ហោះសារទុក្ខសោកជួសកូនស្រី ពេលបាត់បង់ប្ដី
- 2016-01-19 21:25:56
- ចំនួនមតិ 0 | ចំនួនចែករំលែក 0
ប្រពន្ធ Por បង្ហោះសារទុក្ខសោកជួសកូនស្រី ពេលបាត់បង់ប្ដី
ចន្លោះមិនឃើញ
បន្ទាប់ពីតារាសម្ដែងប្រចាំទូរទស្សន៍លេខ៣ថៃ Thridsadee “ Por” Sahawong បានស្លាប់កាលពីម្សិលមិញ តារារួមអាជីពជាច្រើនរូបបានសរសេរសាររំលែកទុក្ខ ក្នុងនោះប្រពន្ធ Por និងកូនស្រីក៏បានបង្ហោះសារខ្លីមួយជូនទៅស្វាមីផងដែរ។
Bow Vanda ដែលត្រូវជាប្រពន្ធបានសរសេរសារតំណាងឲ្យកូនស្រីអាយុ២ឆ្នាំរបស់ពួកគេឈ្មោះ Mali ដោយខ្លឹមសារទាំងនោះរៀបរាប់ថា៖"ប៉ា Por, ស្ដាប់កូន Mali ណា។ Mali និងម៉ាក់ស្រលាញ់អ្នកពេញបេះដូង។ Mali និងម៉ាក់នឹកប៉ាខ្លាំងណាស់។ ទោះបី ប៉ាមិននៅទីនេះជាមួយពួកយើងនៅថ្ងៃនេះ ប៉ុន្តែពួកយើងនឹងចងចាំអ្នកនៅក្នុងបេះដូង។ អរគុណការតស៊ូដើម្បីពួកយើង។ អរគុណប៉ាដែលចំណាយពេលដើម្បីពួកយើងដើម្បីមានកម្លាំងចិត្តក្នុងការធ្វើការ។ ប៉ាគឺជាប៉ាដ៏ល្អម្នាក់។ ប៉ាបានព្យាយាមនិងតស៊ូយ៉ាងខ្លាំង។ ប៉ាបានធ្វើអ្វីជាច្រើនដើម្បីមនុស្សគ្រប់គ្នា។ ពេលនេះប៉ាទៅដល់សុគតិភព។ ខ្ញុំស្រលាញ់ប៉ា"។
ចំណែកតារាសម្ដែងស្រី Napapa Tantrakool ជាប្រចាំតារាទូរទស្សន៍លេខ៣ថៃជាមួយ Porក៏បានរាយរាប់លើបណ្ដាញសង្គមដែរថា៖" ខ្ញុំបានស្គាល់ Por ១០ឆ្នាំហើយ។ លោកជាមនុស្សនិងបងប្រុសល្អម្នាក់។ ខ្ញុំនឹងស្រលាញ់អ្នកជារឿងរហូត"។
ប្រែសម្រួល៖ ហេង សុធារិទ្ធិ ប្រភព៖ coconuts