ក្លាយជាសេដ្ឋិនីគ្រាន់តែបង្រៀនវិធីតុបតែងខ្លួននៅលើ Youtube
- 2014-10-22 19:10:54
- ចំនួនមតិ 0 | ចំនួនចែករំលែក 0
ក្លាយជាសេដ្ឋិនីគ្រាន់តែបង្រៀនវិធីតុបតែងខ្លួននៅលើ Youtube
ចន្លោះមិនឃើញ
នារីដ៏សាមញ្ញម្នាក់បានផ្លាស់ប្ដូរខ្លួនឯងឲ្យទៅជាមនុស្សល្បីឈ្មោះមួយរូបនៅលើ Youtube ដោយគ្រាន់តែបង្កើតវីដេអូបង្រៀនពីវិធីតុបតែងខ្លួនប៉ុណ្ណោះ។ ម្នាក់នោះគឺ Michelle Phan ដែលមានចំនួន Subscriber ដល់ទៅជាង ៧ លាននាក់។ តបមកវិញ វីដេអូដែលនាងបង្កើតនោះបានជួយឲ្យនាងរកចំណូលបានរាប់លានដុល្លារ។ ចង់ដឹងថា នាងចាប់ផ្ដើមបែបណា រកចំណូលតាមវិធីណា មើលការរៀបរាប់ត្រួសៗខាងក្រោម៖
១. នាងចាប់ផ្ដើមបង្កើតវីដេអូប្លុកបង្រៀនវិធីផាត់មុខលក្ខណៈធម្មជាតិនៅឆ្នាំ ២០០៧ ក្នុងនាមជាអ្នកបង្កើតប្លុកធម្មតាម្នាក់ប៉ុណ្ណោះ។
២. បច្ចុប្បន្ន Channel របស់នាងស្ថិតក្នុងចំណោម Channel ដែលមានអ្នក Subscribe ច្រើនបំផុតមួយ
៣. ដែលមានចំនួនចុចមើលសរុបដល់ទៅ ១ ពាន់លានដង
៤. រហូតនាងយកបទពិសោធន៍ដែលចែករំលែកនោះទៅនិពន្ធជាសៀវភៅមគ្គុទ្ទេសក៍តុបតែងខ្លួន។
៥. នាងមានកុំព្យូទ័រដំបូងគឺ Apple iMac G3 ដែលសុំឪពុកម្ដាយរបស់នាងទិញឲ្យ។
៦. នាងប្រាប់ម្ដាយរបស់នាងថា កុំព្យូទ័ររបស់នាងដូចបណ្ណាល័យមួយអីចឹង។ អ្វីៗទាំងអស់គឺនៅក្នុងនោះ។
៧. ក្រោយបង្ហោះវីដេអូដំបូងបង្រៀនវិធីផាត់មុខនៅក្នុងឆ្នាំ ២០០៧ នាងឃើញថា មាននារីជាច្រើនបានស្នើសុំឲ្យនាងបង្ហោះវីដេអូច្រើនទៀត។
៨. ពួកគេចង់ដឹងពីវិធីគូសភ្នែកប្លែកៗ និងវិធីផាត់មុខឲ្យមើលទៅខុសៗគ្នា
៩. ក្រោយមក រឿងដ៏ល្អមួយបានកើតឡើង ពេលក្រុមហ៊ុនគ្រឿងសម្អាងល្បី Lancome បានមើលវីដេអូបង្រៀនផាត់មុខពេលជិះយន្តហោះរបស់ Michelle
១០. ក្រុមហ៊ុននោះបានទាក់ទងនាងឲ្យធ្វើជាអ្នកនាំពាក្យលើប្រព័ន្ធឌីជីថលរបស់ក្រុមហ៊ុន និងផលិតវីដេអូបង្រៀនតុបតែងខ្លួនដោយប្រើផលិតផលផ្ទាល់របស់ Lancome
១១. នាងហៅវាថា ជាយុគ Cinderella សម្រាប់នាង
១២. នោះហើយជាពេលដែលអាចចាប់ផ្ដើមទទួលបានចំណូលច្រើនឡើងៗពីជំនាញដែលនាងចូលចិត្តមួយនេះ។
វីដេអូបង្រៀនផាត់មុខមួយរបស់ Michelle៖
http://youtu.be/3kHXEFpNvbk
អាន៖ ចង់ប្តូរ Background ក្នុងFacebookទេ?
ប្រែសម្រួល៖ សីហា ប្រភព៖ Businessinsider
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
