បុគ្គលិកអាកាសចរចិនរៀនញញឹមដោយខាំចង្កឹះ ដើម្បីភាពទាក់ទាញ

2016-01-29 16:38:31
ចំនួនមតិ 0 | ចំនួនចែករំលែក 0

ចន្លោះមិនឃើញ

បុគ្គលិកអាកាសចរចិនកំពុងហាត់សមរបៀបស្វាគមន៍ភ្ញៀវ ដោយប្រើជាមួយចង្កឹះ និងរបស់កាន់ដៃផ្សេងទៀត ជាមួយស្នាមញញឹមគួរឲ្យចាប់អារម្មណ៍។

បុគ្គលិកនារី ត្រូវដាក់សៀវភៅលើក្បាលឲ្យនឹងថ្កល់ និងខាំចង្កឹះ ដើម្បីឲ្យការញញឹមមានភាពស្រស់ស្អាតទាក់ទាញ រួមទាំងគាបក្រដាស A4 នៅចន្លោះជង្គង់ទាំងពីរពេលឈរត្រង់ផង។ បុគ្គលិកហាត់រៀនទាំងនេះ មកពីមហាវិទ្យាល័យវិជ្ជាជីវៈអាកាសចរណ៍ស៊ីវិលភាគនិរតីខេត្តស៊ីឈួន និងកំពុងត្រៀមរៀបចំប្រលងខាងមុខដើម្បីក្លាយជាបុគ្គលិកពេញសិទ្ធិ។

រូបភាពទាំងនេះត្រូវបានថតនៅថ្ងៃទី ២៦ មករាកន្លងទៅ ដែលបង្ហាញពីបុរសនារី ឈរជាជួរ ដោយដាក់ដបទឹក ឬសៀវភៅលើក្បាល ដើម្បីបញ្ជាក់ថាបានឈរត្រង់ត្រឹមត្រូវ។

បុគ្គលិកនារីដែលចូលរួមហាត់សមម្នាក់និយាយថា ខ្លួនបានរៀនវគ្គកាយសម្ព័ន្ធបន្ថែមទៀត ដើម្បីឲ្យជាប់ក្លាយជាបុគ្គលិកផ្លូវការនាពេលប្រលងខាងមុខ។ ឯម្នាក់ទៀតប្រាប់ថា ពួកគេមិនត្រឹមតែទូលសៀវភៅ ឬដបទឹក ឲ្យនឹងរយៈពេល ៣នាទីទេ ប៉ុន្តែត្រូវញញឹមបណ្ដើរដែរ។

ចំណែក អ្នកគ្រូកំពុងបង្រៀនសិស្ស និយាយថាការធ្វើដូចនេះ គឺដើម្បីហាត់ពត់កាយវិការឲ្យបានត្រឹមត្រូវ ព្រមទាំងបង្ហាញភាពជឿជាក់របស់ពួកគេ។ បើតាមប្រភពចុះផ្សាយលើកមុន បុគ្គលិកអាកាសចរក្រុមហ៊ុនចិនពេញសិទ្ធិ នឹងទទួលប្រាក់ឈ្នួល ១ម៉ោង២០ដុល្លារអាមេរិក៕