មាស សុខសោភា ច្រៀងមិនយកកម្រៃថ្ងៃ Couple Run ដើម្បីជួយគន្ធបុប្ផា
- 2016-02-01 16:14:04
- ចំនួនមតិ 0 | ចំនួនចែករំលែក 0
មាស សុខសោភា ច្រៀងមិនយកកម្រៃថ្ងៃ Couple Run ដើម្បីជួយគន្ធបុប្ផា
ចន្លោះមិនឃើញ
តារាចម្រៀងល្បីប្រចាំព្រះរាជាណាចក្រកម្ពុជា មាស សុខសោភា បានប្រាប់ឲ្យដឹងថា នាងនឹងចូលរួមក្នុងកម្មវិធី Couple Run ដោយមិនយកកម្រៃដើម្បីជួយមន្ទីរពេទ្យគន្ធបុប្ផាដែលរៀបចំដោយ Ice Watch។
សោភា ថ្លែង៖ “ចាសអូន ថ្ងៃនោះបងនឹងចូលរួមក្នុងកម្មវិធី Couple Run នៅស្តាតអូឡាំពិចដែលរៀបចំដោយ Ice Watch ក្នុងនោះ ៥០%នៃសំបុត្រដែលលក់បានទាំងអស់ នឹងត្រូវបរិច្ចាគទៅមន្ទីរពេទ្យកុមារគន្ធបុប្ផាណាអូន"។
តារាចម្រៀងប្រចាំថោនបន្តឲ្យដឹងទៀតថា ទោះបីជារវល់ប៉ុណ្ណាក៏នាងត្រូវតែឆ្លៀតចូលរួមក្នុងសកម្មភាពមនុស្សធម៌នេះដែរព្រោះជាការងារសង្គមនិងមានពេលវេលាសម្រាប់ Fans នាងផងដែរ។
ម្ចាស់បទ “គេមានសំណាងអូនមានទឹកភ្នែក” បន្ថែម៖ "ថ្ងៃនៃក្ដីស្រលាញ់នោះបងរវល់ណាស់អូន បងត្រូវមានការងារឯកជនជាច្រើនទៀត ប៉ុន្តែទោះយ៉ាងណាក៏មិនចោលការងារសប្បុរសធម៌នេះដែរ ព្រោះជាអ្វីដែលបងពេញចិត្ត និងដើម្បីបានថវិកាយកទៅជួយមន្ទីរពេទ្យគន្ធបុប្ផា ណាមួយជាពេលវេលាសម្រាប់បង និងFans បាននៅក្បែរពួកគាត់ផងដែរ"។
លើសពីនេះទៀត សោភាប្រាប់ថា នាងនឹងមាន២បទដើម្បីបម្រើអារម្មណ៍បងប្អូនដូចជាបទ "លើលោកនេះខ្ញុំស្រលាញ់ម៉ាក់ខ្ញុំជាងគេ" និងបទថ្មីមួយបទតែនាងអត់ចាំចំណងជើង។
មាស សុខសោភា បានសំណូមពរទៅទស្សនិកជនទាំងអស់គ្នាចូលរួមក្នុងកម្មវិធី Couple Run ឲ្យបានច្រើនដើម្បីបានថវិកាយកទៅជួយដល់មន្ទីរពេទ្យគន្ធបុប្ផា មិនតែប៉ុណ្ណោះ ប្រិយមិត្តថែមទាំងបានលេងល្បែងកម្សាន្តជាមួយមនុស្សដែលខ្លួនស្រលាញ់ទៀតផង។
Couple Run នឹងត្រូវធ្វើឡើងចំថ្ងៃទី១៤-កុម្ភៈតែម្ដង ចាប់ពីម៉ោង៣រសៀល ដល់ម៉ោង ៨:៣០ យប់ នៅពហុកីឡដ្ឋានជាតិអូឡាំពិក ។ Couple Run ត្រូវបានរៀបចំឡើងដោយ Ice Watch ហើយ ៥០%នៃសំបុត្រដែលលក់បានទាំងអស់ នឹងត្រូវបរិច្ចាគទៅមន្ទីរពេទ្យកុមារគន្ធបុប្ផា។ ប្រិយមិត្តអាចរកទិញសំបុត្របានក្នុងតម្លៃ ៦ ដុល្លារនៅតាមទីតាំង៖
១. សាខា ice-watch ព្រះមុនីវង្ស (០៧៧ ៧៥ ១០០០) ២. Ice Park ផ្សារទំនើបអ៊ីអនជាន់ទី៤ (០៨១ ៥១៧ ៥៥៥) ៣. ពហុកីឡដ្ឋានជាតិអូឡាំពិក ៤. ហាង Deluxe Chicken មាត់ទន្លេជិត Khmer Royal (០១៦ ៥៨ ៥៨ ៨៣) ៥. តាមសាលា និងសាកលវិទ្យាល័យមួយចំនួនដែលមានក្រុមស្ម័គ្រចិត្តរបស់ ice-watch ។
ប្រិយមិត្តក៏នឹងទទួលបានការផ្ដល់ជូនពិសេសពីការទិញសំបុត្រចូលរួមផងដែរ៖ – អាវយឺតដ៏ស្រស់ស្អាតមួយ, cheer balloon មួយ និងកងដៃមួយរបស់ ice-watch – ទឹកបរិសុទ្ធមួយដប ទឹកផ្លែឈើ Freeze មួយកំប៉ុង – សំបុត្រជិះស្គីទឹកកកពី Ice Park បញ្ចុះតម្លៃ ៥០% – កាដូពី Libresse – កាតបញ្ចុះតម្លៃសម្រាប់ Deluxe Chicken
កាន់តែពិសេស! សម្រាប់អ្នកដែលទិញសំបុត្របានមុន នឹងទទួលបាន៖
– សំបុត្រជិះស្គីទឹកកក Free 100% ពី ICE Park – កាដូពីផលិតផលកូរ៉េ Yadah – សំបុត្រកុន2D, Popcorn និងកូកា កូឡា នៅ Legend Cinema – Vitamin Beroca
Couple RunCouple Run នឹងប្រារព្ធឡើងនៅថ្ងៃទី 14 កុម្ភះ 2016 នៅពហុកីឡាដ្ឋានជាតិអូឡាំពិក ។ តម្លៃសំបុត្រចូលរួមត្រឹមតែ 6$ ប៉ុណ្ណោះ, រាល់ការជាវសំបុត្ររបស់លោកអ្នកត្រូវឧបត្ថម្ភជូនមន្ទីពេទ្យគន្ធបុប្ផា មិនត្រឹមតែប៉ុណ្ណោះទេ អ្នកថែមទាំងទទួលបានការដូពិសេសជាច្រើនដូចជា៖ _ អាវយឺតមួយ កងដៃមួយ CheerBalloonមួយ_ សំបុត្រជិះស្គីទឹកកក បញ្ចុះតំលៃ 50% ពី ICE Park _ ទឹកផ្លែឈើ Freeze មួយកំប៉ុង_ ការដូពី Libresse មួយកាន់តែពិសេសសំរាប់អ្នកដែលបានទិញសំបុត្របានមុន នឹងទទួលបាន៖_ សំបុត្រជិះស្គីទឺកកក Free 100% ពី ICE Park_ ការដូ ពីផលិតផល YADAH_ សំបុត្រគុន2D នៅ Legend Cinema _ Pop Con + CoCa ពី Legend Cinema _ Vitamin Beroca (បញ្ជាក់៖ ចំពោះការដូពិសេស ចំនួនមានកំណត់ សូមរួសរាន់ឡើង)សូមទំនាក់ទនងលេខទូរសព្ទ័ ០77 751000 ។
Posted by Watch Empire on Thursday, January 21, 2016
Couple Run ព្រឹត្តិការណ៍រត់ជាគូធំបំផុតដើម្បីជួយមន្ទីរពេទ្យគន្ធបុប្ផា
អត្ថបទ៖ ថា ម៉ាលីដា