Vin Diesel ប្រកាសថ្ងៃចេញបញ្ចាំង "Fast & Furious" វគ្គ៩និង ១០
- 2016-02-04 17:13:11
- ចំនួនមតិ 0 | ចំនួនចែករំលែក 0
Vin Diesel ប្រកាសថ្ងៃចេញបញ្ចាំង "Fast & Furious" វគ្គ៩និង ១០
ចន្លោះមិនឃើញ
បើទោះបីជាវគ្គ ៨របស់ស៊េរីភាពយន្តដែលទទួលបានប្រជាប្រិយភាពខ្ពស់ "Fast & Furious” មិនទាន់ទាំងចាប់ផ្ដើមថត ប៉ុន្តែតារាសម្ដែងហូលីវូដ Vin Diesel បានបង្ហើបពីគម្រោងចេញផ្សាយរបស់វគ្គ ៩ និង ១០ហើយ។
កាលពីថ្ងៃទី ៣ ខែកុម្ភៈកន្លងទៅនេះ នៅលើគណនី Instagram ផ្ទាល់ខ្លួន តារាសម្ដែងអាមេរិក Vin Diesel បានប្រកាសថាភាពយន្ត "Fast & Furious” វគ្គ ៩ និង ១០ នឹងត្រូវបានចាក់ផ្សាយនៅក្នុងឆ្នាំ ២០១៩ និង ២០២១។ មុននោះដែរ កាលពីខែមករា តារាសម្ដែងអាយុ ៤៨ ឆ្នាំក៏បានបង្ហើបផងដែរថាវគ្គ ៨ របស់កម្រងភាពយន្តនេះនឹងមានឈ្មោះថា "Fast 8”។
តាមរូបដែលតួហូលីវូដរូបនេះបង្ហោះ "Fast 8” និងចេញផ្សាយថ្ងៃទី ១៤ ខែមេសា ឆ្នាំ ២០១៧។ រីឯ "Fast & Furious 9” នឹងចេញផ្សាយនៅថ្ងៃទី ១៩ ខែមេសា ឆ្នាំ ២០១៩ និងចុងក្រោយ "Fast & Furious 10” នឹងចេញផ្សាយថ្ងៃទី ២ ខែមេសា ឆ្នាំ ២០២១។ ដូចនេះ ជាមធ្យម ភាពយន្តនេះនឹងចេញវគ្គថ្មីជារៀងរាល់២ឆ្នាំម្ដង៕
ចុចអាន៖រឿងភាគកូរ៉េល្បីៗទាំង៥ និយាយពីស្នេហារបស់សិស្សមហាវិទ្យាល័យ
ប្រែសម្រួល៖ សុវណ្ណផៃ ប្រភព៖ew