Jay Chou កំណត់ពេលរៀបការជាមួយមិត្តស្រីជាថ្មី

2014-09-18 00:31:55
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងប៉ុបតៃវ៉ាន់ Jay Chou ដែលធ្លាប់បង្ហើបប្រាប់ថា នឹងមានគម្រោងរៀបការមុនពេលខ្លួនចូលដល់វ័យ៣៦ឆ្នាំ កាលពីខែ មិថុនា កន្លងទៅនេះ បានអះអាងសារជាថ្មីម្ដងទៀត ថារូបគេនិងមិត្តស្រី បានកំណត់ពេលចូលរោងការច្បាស់មែនទែនហើយគឺ នៅខែ មករា ឆ្នាំក្រោយនេះ។

តារាចម្រៀងសង្ហាវ័យ៣៥ឆ្នាំ Jay Chou បានអះអាងសារជាថ្មីម្ដងទៀត ក្នុងសន្និសីទកាសែត Mission Hills Celebrity Pro-Am ក្នុងក្រុងតៃប៉ិ កាលពីថ្មីៗនេះថា រូបគេបានពន្យារពេលចេញអាល់ប៊ុមថ្មី ដោយយកពេលនោះមកគិតគូរកំណត់ថ្ងៃរៀបការ ជាមួយមិត្តស្រីជា តារាម៉ូដែល កូនកាត់ ចិន-អូស្ត្រាលី Hannah Quinlivan នៅដើមខែ មករា ឆ្នាំក្រោយនេះ គឺនៅមុនពេលខ្លួនឈានចូលវ័យ៣៦ ឆ្នាំ ។

តារាម៉ូដែលវ័យ ២១ឆ្នាំ Hannah Quinlivan ក៏បាននិយាយប្រាប់សារព័ត៌មានមួយក្នុងក្រុង តៃប៉ិ ថាទោះបីពួកគេបញ្ជាក់ច្បាស់ក្នុងខែ មករា ឆ្នាំក្រោយក៏ដោយ តែមិនទាន់ដឹងកំណត់ថាថ្ងៃណាឲ្យប្រាកដទេ ព្រោះបច្ចុប្បន្ននាងរវល់នឹងការងារដ៏មមាញឹក។

កាលពីឆ្នាំទៅ Jay ធ្លាប់សុំ មិត្តស្រីរៀបការ នៅចំពោះមុខគ្រួសារ និងមិត្តភក្តិ ក្នុងពិធីខួបកំណើតរបស់នាង ហើយថានឹងរៀបការឲ្យបានមុនខ្លួនអាយុ ៣៥ឆ្នាំ ប៉ុន្តែដោយសាររវល់ការងារផ្ទាល់ខ្លួន រូបគេក៏ពន្យារពេល។ ទោះយ៉ាងណាតារារូបនេះ ថានឹងរក្សាពាក្យសន្យារបស់ខ្លួន រៀបការជាមួយ Hannah ឲ្យបាន ក្នុងខែមករាឆ្នាំក្រោយនេះ ៕

អាន៖ តារាសម្ដែងចិន Zhang Yuqi ស្អាតខ្លាំងម្ល៉ឹងហើយ ប្ដីនៅតែមានស្រី

ប្រែសម្រួល៖ វាចារ ប្រភព៖ sbspopasia