Justin Bieber & Selena Gomez នឹងឡើងតុលាការជាមួយគ្នាសប្ដាហ៍ក្រោយ

2016-02-10 17:44:08
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង Justin Bieber និង Selena Gomez នឹងត្រូវឡើងតុលាការជាមួយគ្នានៅសប្ដាហ៍ក្រោយ ទោះបីបច្ចុប្បន្នអ្នកទាំងពីរ បានបែកបាក់គ្នាហើយក៏ដោយ ដើម្បីបំភ្លឺករណី Justin ប៉ះទង្គិចគ្នាជាមួយអ្នកថតរូប តាំងពីឆ្នាំ២០១២។

Justin ត្រូវបានអ្នកថតរូប Jose Duran ចោទប្រកាន់ថា បានរំលោភបំពាន ដោយសារតារាចម្រៀងវ័យ២១ឆ្នាំរូបនេះ បានប្រើអំពើហិង្សាទាត់និងវាយរូបលោកនៅចំណតរថយន្តមួយកន្លែងនៃរដ្ឋ California កាលខែឧសភា ឆ្នាំ២០១២ អំឡុងពេលដែលតារាចម្រៀងរូបនេះ បណ្ដើរ Selena ចេញពីរោងភាពយន្ត ហើយលោកព្យាយាមផ្ដិតយករូបភាពនៅជិតពួកគេ។

ពាក្យបណ្ដឹងរបស់ Duran បានស្នើដល់តុលាការជាច្រើនលើកមកហើយ ប៉ុន្តែពុំមានវិធានការណាមួយលើ Justin ឡើយ។ ប៉ុន្តែពេលនេះតុលាការបានកោះហៅទាំង Justin និង Selena ឲ្យឡើងតុលាការកំពូលក្នុងទីក្រុង Los Angeles នាថ្ងៃទី១៦ ខែកុម្ភៈ ដើម្បីបកស្រាយពីការចោទប្រកាន់៕

-ចុចអាន៖ Selena ហត់នឿយនឹងរឿងស្នេហាជាមួយ Justin និងមិនធ្លាប់ស្អប់ Miley ពីមុនមក

ប្រែសម្រួល៖ វិន ជីវ័ន្ត ប្រភព៖ hollywoodlife