Tony Jaa សង្ឃឹមរឿងថ្មីនឹងផ្ទុះ បន្ទាប់ពីចាប់ដៃជាមួយ កុំកុំលើកដំបូង

2016-02-17 17:07:33
ចំនួនមតិ 0 | ចំនួនចែករំលែក 0

ចន្លោះមិនឃើញ

នាពេលថ្មី តាមការឲ្យដឹងពី Yahoo តារាសម្ដែងក្បាច់គុនហុងកុង Donnie Yen នឹងត្រូវចូលខ្លួនមកជំនួសតារាចិន Jet Li ក្នុងខ្សែភាពយន្តហូលីវូដ "xXx3” ប៉ុន្តែចំពោះបញ្ហានេះ អ្នកដឹកនាំរឿងមួយនេះមិនបានបញ្ជាក់ហេតុផលនៃការចាកចេញរបស់ Li នោះទេ។

យ៉ាងណាក្ដី នៅប៉ុន្មានម៉ោងមុន តារាក្បាច់គុនថៃ Tony Jaa បានបង្ហោះរូប១សន្លឹកជាមួយ កុំកុំ ដោយទឹកមុខរីករាយនិងបង្ហាញស្នាមសាក់រូបខ្លាដ៏ធំនៅដៃខាងស្ដាំ។ អមជាមួយរូប Tony បានសរសេរភ្ជាប់បញ្ជក់ក្ដីសង្ឃឹមថា៖"លើកដំបូងដែលបានធ្វើការជាមួយ Donnie Yen ហើយវាប្រាកដជាផ្ទុះ។ xXx3 The Return of Xander Cage”។

ខ្សែភាពយន្តប្រភេទរឿងស៊ើបអង្កេតបាញ់ប្រហារ “xXx3: The Return of Xander Cage” នេះមានការចូលរួមពីតារាក្រៅស្រុកជាច្រើនដូចជា ហុងកុង ថៃនិងឥណ្ឌា ក្នុងនោះក៏មានតារាល្បីអាមេរិក Vin Diesel ផងដែរ៕