នៅចាំអត់ ឆ្នាំមុនជើងខ្លាំងក្រុមណាគ្រងតំណែងជើងឯក CCC សៀមរាប?
- 2014-10-23 22:09:04
- ចំនួនមតិ 0 | ចំនួនចែករំលែក 0
នៅចាំអត់ ឆ្នាំមុនជើងខ្លាំងក្រុមណាគ្រងតំណែងជើងឯក CCC សៀមរាប?
ចន្លោះមិនឃើញ
ធ្មេចបើកៗ ព្រឹត្តិការណ៍ប្រកួតស្វែងរកជើងខ្លាំងសេវាកម្សាន្តរបស់ក្រុមគ្រួសារ Sabay Leng ប្រចាំខេត្តក្រុងឆ្នាំ ២០១៤ ជិតបញ្ចប់វិញហើយ ដោយនៅសល់តែ ២ ខេត្តក្រុងទៀតប៉ុណ្ណោះគឺខេត្តសៀមរាប និងរាជធានីភ្នំពេញ ខណៈខេត្តបាត់ដំបង និងខេត្តព្រះសីហនុ CCC 2014 បានរកឃើញជើងខ្លាំងតំណាងខេត្តទាំង ២ រួចទៅហើយ។
អាន៖ លទ្ធផលជម្រុះក្នុងពូល CCC សៀមរាប
នៅចុងសប្ដាហ៍នេះ ក្រុមការងារ CCC 214 នឹងបន្តដំណើរទៅខេត្តសៀមរាប ដើម្បីស្វែងរកជើងខ្លាំងតំណាងខេត្តនោះបន្តទៀតឲ្យមកចូលរួមបង្ហាញសមត្ថភាពប្រយុទ្ធនៅរាជធានីភ្នំពេញ។ មុនដំណើរ CCC សៀមរាប 2014 មកដល់ នៅទំព័រនេះ Sabay សូមរំលឹកពីឈ្មោះក្រុមទាំង ៤ ដែលបានទទួលចំណាត់ថ្នាក់ជាជើងខ្លាំងប្រចាំខេត្តសៀមរាបឆ្នាំ ២០១៣ បន្តិចសិន ក៏ដូចជាប្រាក់រង្វាន់ដែលពួកគេទទួលបានពីការប្រឹងប្រែងប្រយុទ្ធ។
ចំណាត់ថ្នាក់ជើងឯកសេវាកម្សាន្ត AK Online នៅខេត្តសៀមរាបប្រចាំឆ្នាំ ២០១៣ បានទៅលើក្រុម The_PreMieR ខណៈក្រុម DengSrabHai ដែលជាជើងខ្លាំង AK តំណាងខេត្តព្រះសីហនុឆ្នាំ ២០១៤ បានត្រឹមជាជើងឯករង ទទួលបរាជ័យក្រោមថ្វីដៃក្រុម The_PreMieR នៅវគ្គផ្ដាច់ព្រ័ត្រក្នុងលទ្ធផល ២ ទល់នឹង ៥។
ក្រុម The_PreMieR
ក្រុម Eclipse
ចំណែកសេវាកម្សាន្ត JX វិញ ក្រុម Eclipse បានវាយបំបាក់យកឈ្នះដៃគូប្រកួតជាហូរហែតាំងពីវគ្គជម្រុះដំបូងរហូតទទួលបានចំណាត់ថ្នាក់ជើងឯក ខណៈក្រុម Break A Heart ដែលបានទទួលបរាជ័យក្រោមថ្វីដៃ Family 476 នៅវគ្គផ្ដាច់ព្រ័ត្រទទួលបានចំណាត់ថ្នាក់លេខ ២។
សម្រាប់ម្ចាស់ជយលាភីជើងឯកទាំង ២ សេវាកម្សាន្តប្រចាំខេត្តសៀមរាបទាំង ២ ក្រុមខាងលើទទួលបានប្រាក់រង្វាន់រហូតដល់ទៅចំនួន ២.០០០ ដុល្លារអាមេរិក មេដាយកិត្តិយសចំនួន ៥ និងពានរង្វាន់កិត្តិយសចំនួន ១ ខណៈម្ចាស់ជយលាភីជើងឯករងទទួលបានប្រាក់រង្វាន់ចំនួន ១.០០០ ដុល្លារអាមេរិក និងមេដាយកិត្តិយសចំនួន ៥។
តើប្រិយមិត្តត្រៀមខ្លួនហើយឬនៅ? ជួបគ្នាថ្ងៃចុងសប្ដាហ៍នេះនៅសណ្ឋាគារបុរីអង្គរចាប់ពីម៉ោង ៨ ព្រឹកតទៅ។
ព្រឹត្តិការណ៍ CCC 2014 នាំមកជូនដោយ Sabay និងក្រុមហ៊ុនទូរសពចល័ត Smart។ Call ទៅលេខ 987 រួចចុចលេខ 1 ដើម្បីស្ដាប់បទចម្រៀងអន្តរជាតិល្បីៗUniversal Music។ ចុច *202# ដើម្បីទទួលបាន ៤០ នាទីសម្រាប់តេក្នុងប្រព័ន្ធជារៀងរាល់ថ្ងៃ។ ចុច *600# ដើម្បីធ្វើការកក់បញ្ជាទិញទូរសព្ទ iPhone 6 ឬ 6Plus ពីក្រុមហ៊ុន Smart។ សម្រាប់ព័ត៌មានបន្ថែមសូមទាក់ទងលេខ 888៕
អត្ថបទ៖ ភីឆាយ