តិចស្មានថារូបភាពនេះកាត់ត តាមពិតមានល្បិចនៃការថត

2016-02-17 22:20:35
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកដែលមិនដឹង អាចស្មានថារូបភាពដំណក់ទឹកខ្ទាតខ្ចាត់ខ្ចាយលើមាត់កែវដ៏ស្រស់ស្អាតខាងក្រោមនេះគឺជារូបភាពកាត់ត តែតាមពិតអ្នកជំនាញថតរូបបានប្រើប្រាស់វិធីសាស្ត្រដ៏ច្នៃប្រឌិតមួយដើម្បីថតរូបនេះឡើង។

ខាងក្រោមណែនាំពីវិធីសាស្ត្រនៃការថតរូបខាងលើ៖

*របស់របរដែលគួរត្រៀមជាមុន

របស់របរដែលត្រូវមានគឺជ្រុញមូល ឬបួនជ្រុងតាមចំណង់ចំណូលចិត្តអ្នក, សឺរ៉ាំងធំគ្មានម្ជុល, ម៉ាស៊ីនសម្រាប់បាញ់កាវ (ឬប្រើកាវធម្មតា), បង់ស្អិតមុខពីទំហំធំ និងសម្ភារៈសម្រាប់ដាក់តាំងពីជ្រុញដូចជាកែវ ឬ នំស្រួយជាដើម។ ក្រៅពីនេះអ្នកត្រូវមានជាជើងទម្រកាមេរ៉ា និង ភ្លើង Flash បន្ថែមពីក្រៅ។

ចំពោះប្លង់សម្រាប់ថតតម្រូវឲ្យមានក្ដារពណ៌ស (ឬពណ៌អ្វីផ្សេងតាមចំណូលចិត្តអ្នក) ចំនួនបីបន្ទះ ឃ្នាបសម្រាប់គាបក្រដាស និងកន្លាស់សម្រាប់ទប់លំនឹង។

*ការរៀបចំ៖

រៀបចំដាក់តាំងសម្ភារៈទៅតាមទីតាំងដែលអ្នកចូលចិត្តនៅលើជ្រុញ។ ត្រូវចាំថាសម្ភារៈនោះនឹងក្រឡាប់ចុះក្រោមនៅពេលថត ដូចនេះត្រូវប្រាកដថាអ្នករៀបចំទៅតាមអ្វីដែលអ្នកចូលចិត្ត ដោយវានឹងមិនអាចកែប្រែបានឡើយក្រោយពីរៀបចំរួចរាល់នោះ។

បន្ទាប់មកចាប់ផ្ដើមបិទសម្ភារៈទាំងអស់ជាប់នឹងជ្រុញ ដោយប្រើបង់ស្អិតមុខពីរសម្រាប់សម្ភារៈស្រាលៗ និងប្រើកាវសម្ភារៈធ្ងន់ដូចជាកែវជាដើម។ ក្រោយពីរួចរាល់ដល់ពេលរៀបចំទីតាំងសម្រាប់ថតវិញម្ដងដោយយកក្ដារទាំងបីបន្ទះមកផ្គុំចូលគ្នាដូចរូបខាងក្រោម។

*ផ្នែកពន្លឺ៖

ខាងពន្លឺឯណេះវិញគេប្រើប្រាស់នូវប្រភេទ Speedlight ធម្មតានឹងកំណត់ទៅកាន់ RPT Mode។

*ចាប់ផ្ដើមថត៖

បំពេញសឺរ៉ាំងជាមួយ ទឹកដោះគោ, កាហ្វេ ឬទឹកអ្វីផ្សេង បន្ទាប់មកចាប់ផ្ដើមបាញ់វាចូលទៅក្នុងកែវ។ បាញ់ជាលក្ខណៈរង្វង់ដើម្បីឲ្យរូបភាពថតបានកាន់តែទាក់ទាញ។ បន្ទាប់ពីថតរួចរាល់អាចធ្វើការបញ្ចូលរូបភាពដែលអ្នកគិតថាស្អាតចូលគ្នាទៅជារូបភាពមួយតាមរយៈកម្មវិធី Photoshop ដើម្បីឲ្យកាន់តែទាក់ទាញខ្លាំង៕