ចំបាប់ចេញទៅដណ្ដើមមេដាយនៅ សិង្ហបុរី ម៉ោង ៦ ល្ងាចនេះ

2014-10-23 21:42:10
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករ កីឡាការិនី ចំបាប់របស់កម្ពុជា ចំនួន ៩ រូបនឹងធ្វើដំណើរទៅកាន់ប្រទេសសិង្ហបុរី នៅវេលាម៉ោង ៦:១០ នាទីល្ងាចនេះ ដើម្បីចូលរួមប្រកួតក្នុងពានរង្វាន់កីឡាចំបាប់ អាស៊ាន បូក អូស្រ្តាលី ចាប់ពីថ្ងៃទី ២៣ ដល់ ២៧ តុលា ឆ្នាំ ២០១៤ នេះ។

ក្រុមកម្ពុជា ហ្វឹកហាត់ត្រៀម នាពេលកន្លងមក (រូបថត៖ FB )

កីឡាករទាំង ៩ រូបមាន កីឡាករ ឌន សៅ ទម្ងន់ ៩៧ គីឡូក្រាម, ចាប លឿន ទម្ងន់ ៨៦ គីឡូក្រាម , កាង ដែនពិសិដ្ឋ ទម្ងន់ ៦១ គីឡូក្រាម និង កីឡាករ ងួន មករា ទម្ងន់ ៦១ គីឡូក្រាម ត្រូវប្រកួតកីឡាចំបាប់សេរី។ ចំណែកផ្នែកចំបាប់ក្រិកកូរ៉ូមាំង មានកីឡាករ ជន់ ធូ ទម្ងន់ ៥៩ គីឡូក្រាម កីឡាករ ឆាំង ពិសិន ទម្ងន់ ៦៦ គីឡូក្រាម និង ផ្នែកចំបាប់សេរី នារី មានកីឡាការិនី ចូវ សុធារ៉ា ទម្ងន់ ៤៨ កីឡាការិនី ឌន ស្រីម៉ៅ ទម្ងន់ ៥៣ គីឡូក្រាម និង កីឡាការិនី នី សំណាង ទម្ងន់ ៥៥ គីឡូក្រាម។

លោក ធិន វិចិត្រ អគ្គលេខាធិការសហព័ន្ធកីឡាចំបាប់កម្ពុជា បានលើកឡើងថា រាល់ចំណាយរបស់ក្រុមកម្ពុជាទៅប្រកួតនៅសិង្ហបុរី នេះក្រោមការជួយជ្រោមជ្រែងពីលោក Casey Barnett អនុប្រធានរបស់សហព័ន្ធកីឡាចំបាប់កម្ពុជា ក្នុងទឹកប្រាក់ចំនួន ៦,៨០០ ដុល្លារអាមេរិក។

ព្រឹត្តិការណ៍សម្រាប់កីឡាចំបាប់នេះធ្វើឡើងដើម្បីរកផ្លូវជួយបញ្ចូលកីឡាប្រភេទនេះទៅកីឡាស៊ីហ្គេម ឆ្នាំ ២០១៥ ខាងមុខ ស្របពេលការសម្រេចបឋម នាពេលកន្លងទៅមិនមានឈ្មោះចំបាប់នៅឡើយនោះទេ។

លោក ធិន វិចិត្រ នៅតែមានសង្ឃឹមច្រើនក្នុងការប្រជែងយកមេដាយត្រឡប់មកវិញ ព្រោះនេះជាការប្រកួតថ្នាក់តំបន់អាស៊ាន មិនសូវតានតឹងដូចការប្រកួត កីឡា Asian Games។

ចំបាប់ បានបង្ហាញសាច់ដុំដ៏អស្ចរ្យាគឺក្នុងកីឡាស៊ីហ្គេមឆ្នាំ ២០១៣ ដែលរៀបចំនៅប្រទេសមីយ៉ាន់ម៉ា ដោយដណ្ដើមបានមេដាយចំនួន ១០ គ្រឿង ដែលមានមេដាយមាស ៤ គ្រឿង មេដាយប្រាក់ ២ គ្រឿង និង មេដាយសំរឹទ្ធ ៤ គ្រឿង៕

អត្ថបទ៖ ម៉ឺន រស្មី

ពាក្យទាក់ទង

កីឡាចំបាប់

អត្ថបទពេញនិយម

ផ្លូវជាតិលេខ៧ ពី រង្វង់មូលស្គន់ ដល់ស្ពានគីហ្ស៊ូណា ដែលសាងសង់ពង្រីកដល់៤គន្លង សម្រេចបានប៉ុនណាហើយ?

ការចេញមុខរបស់នាយិកា ADOR មិនបានស្រង់ស្ថានភាពឲ្យប្រសើរ តែដូចធាក់ខ្លួនឯងធ្លាក់រណ្ដៅជ្រៅលើសដើម

មិនសរសើរមិនបាន កូនអាន បោះមេធ្វើវីដេអូ ខ្មែរ Makeup Trend បង្ហាញពីវប្បធម៌ខ្មែរយ៉ាងអស្ចារ្យ

អ្នកបង់លុយជាសាច់ប្រាក់សុទ្ធលើផ្លូវល្បឿនលឿន នឹងត្រូវគិតតម្លៃដើមវិញ ចាប់ពីដើមខែក្រោយ! ចុះអ្នកប្រើ ETC និង ANPR?

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

រកឃើញចម្លាក់សត្វអណ្តើក ពេលធ្វើកំណាយស្រះទឹក នៅប្រាសាទបាយ័ន

អត្ថបទថ្មី

កាំភ្លើងធំឈរលេខ ១ ប៉ុណ្ណោះអាសន្ន ហើយតាមប្រកិតពីក្រោយដោយ Man City

បុរសសិង្ហបុរីម្នាក់ជាប់ទោស ក្រោយមើលថែឆ្មារបស់ខ្លួនមិនបានល្អ

Liverpool កំពុងតែចរចាជាមួយគ្រូហុល្លង់ម្នាក់ ដើម្បីមកជំនួស Klopp

ដំណើរកម្សាន្តរ៉ូមែនទិកច របស់គូស្នេហ៍ជាមួយ CORNETTO

ដៃធ្លាប់កាន់ម៉ៃក្រូស្រែកច្រៀងលើឆាក បច្ចុប្បន្ន Celine បានត្រឹមសំងំព្យាបាលជំងឺកម្រជាមួយក្ដីសង្ឃឹម

ចូលរួមគាំទ្រទាំងអស់គ្នា! ការប្រកួតប្រដាល់ស្វែងរកថវិកាជួយកុមារកំព្រា ថ្ងៃទី១០ ឧសភា ២០២៤