“Avengers” ចេញ trailer វគ្គ២ ពិតជាសាហាវគួរឲ្យចង់ទស្សនាមែន!

2014-10-23 23:07:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែភាពយន្តប្រជុំកំពូលវីរបុរសរបស់ Marvel រឿង "Avengers” វគ្គ២ ដែលទស្សនិកជនជុំវិញពិភពលោកកំពុងទន្ទឹងរង់ចាំ បានចេញវីដេអូ trailer ផ្លូវការហើយកាលពីម្សិលមិញនេះ ដោយបានបង្ហាញនូវឈុតឆាករន្ធត់ៗ ប្លែកៗគួរឲ្យចាប់អារម្មណ៍។

តារាហូលីវូដល្បីៗ ដូចជា Robert Downey Jr. (Iron Man), Chris Evans (Captain America), Scarlett Johansson (Black Widow), Mark Ruffalo (The Hulk), Chris Hemsworth (Thor), Samuel L. Jackson, និងតារាមួយចំនួនទៀត ដែលជាតួអង្គសំខាន់ៗក្នុងវគ្គមុន នឹងត្រលប់មកកាន់តំណែងរបស់ខ្លួនជាថ្មីទាំងអស់គ្នា។

វគ្គថ្មីដែលមានចំណងជើងថា "The Avengers: Age of Ultron” បរិយាយនៅពេលដែល Tony Shark (Iron Man) ព្យាយាមបង្កើតកម្មវិធីការពារខ្លួនមួយ សម្រាប់វីរបុរសទាំងអស់ ប៉ុន្តែលទ្ធផលនៃការងាររបស់គេ បែរជាក្លាយជាមនុស្សយន្ត Ultron ដែលព្យាយាមបំផ្លាញជីវិតមនុស្សលោកទៅវិញ។ ដូច្នេះក្រុម Avengers ត្រូវរួមដៃគ្នាដើម្បីកម្ចាត់មនុស្សយន្តនេះឲ្យបាន។

“The Avengers: Age of Ultron” នឹងមានបញ្ចាំងនៅអាមេរិក នៅថ្ងៃទី១ ខែឧសភា ឆ្នាំ២០១៥។

ខ្សែភាពយន្ត "Avengers” បានចេញវគ្គមួយកាលពីឆ្នាំ២០១២ ដែលអាចរកចំណូលបានដល់ទៅ ១,៥ពាន់លានដុល្លារពីជុំវិញពិភពលោក។

ទស្សនាឈុតខ្លីៗ ពីខ្សែភាពយន្ត “The Avengers: Age of Ultron” ៖

http://youtu.be/tmeOjFno6Do

អានអត្ថបទ៖ រឿង១ឈុតៗសាហាវណាស់ តែធាតុពិតអីចឹងសោះ!