ឪពុក-ម្តាយ គួរហ៊ាននិយាយអំពីបញ្ហាផ្លូវភេទជាមួយកូន

2016-02-24 16:06:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ខណៈដែលគេដឹងថា យុវជននិងយុវតីកាន់តែអាយុតិចទៅបាននាំគ្នាប្រឡូកនៅក្នុងជីវិតផ្លូវភេទនោះ គ្រូពេទ្យជំនាញបានមានយោបល់ថា វាជាការចាំបាច់ ដែលពួកគេយល់ដឹងច្បាស់អំពីបញ្ហានេះ តាមរយ:ការអាននិងការពិភាក្សាជាមួយ ឪពុក-ម្តាយ ឬអ្នកជំនាញ។

លោកវេជ្ជបណ្ឌិត ម៉ែន បញ្ញារតន៍ អ្នកជំនាញផ្នែកជំងឺអេដស៍និយាយថា ការយល់ដឹងអំពីបញ្ហាផ្លូវភេទ គឺមានសារសំខាន់ណាស់សម្រាប់យុវជននិងយុវតីកម្ពុជាដើម្បីពួកគេអាចចៀសផុតពីការឆ្លងជំងឺផ្លូវភេទមួយចំនួនដូចជាជំងឺអេដស៍ជាដើម។ ក្រៅពីនោះវាក៏ជួយអោយពួកគេអាចចៀសផុតពីការមានកូនដោយចៃដន្យផងដែរ។

រូបតំណាង

លោកវេជ្ជបណ្ឌិតរូបនេះ បានមានយោបល់ថា យុវជននិងយុវតីខ្លួនឯងត្រូវស្វែងយល់អំពីបញ្ហានេះអោយបានច្បាស់លាស់តាមរយ:ការអាន និងពិគ្រោះយោបល់ជាមួយអ្នកជំនាញ។ ចំណែក ឪពុក-ម្តាយ មានសារសំខាន់ណាស់ដែលត្រូវពិភាក្សាដោយបើកចំហរជាមួយកូនៗដែលពេញវ័យដើម្បីអោយពួកគេយល់ច្បាស់លាស់អំពីផលវិបាកសំខាន់ៗដែលអាចកើតមានមកពីការឆាប់ប្រឡូកពេកនៅក្នុងជីវិតផ្លូវភេទ។

លោកវេជ្ជបណ្ឌិតនិយាយថា ឪពុក-ម្តាយអាចនិយាយអំពីបញ្ហាពន្យារកំណើតបញ្ហាជំងឺកាមរោគ និងវិធីផ្សេងដើម្បីដោះស្រាយអំពីបញ្ហាទាំងនេះជាដើម។ការអប់រំកូនអំពីបញ្ហាផ្លូវភេទអាចនឹងជួយពួកគេអោយចាកផុតពីបញ្ហាដែលកើតមានចេញអំពីការរួមភេទ។

ចំណែកយុវជន និងយុវតីវិញគេមិនគួរឆាប់ប្រឡូកពេកទេនៅក្នុងបញ្ហាផ្លូវភេទនេះ។ ពួកគេគួរតែផ្ដោតទៅលើការសិក្សាដែលជាកត្តាសំខាន់សម្រាប់អនាគត៕

អត្ថបទ៖ CCJ

រូបភាព៖ greatist.com