ប៊ិចអស្ចារ្យ អាចសរសេរនិងគូរចេញជាពណ៌អ្វីក៏បាន

2016-02-29 17:30:21
ចំនួនមតិ 0 | ចំនួនចែករំលែក 0

ចន្លោះមិនឃើញ

Scribble Pen ជាប៊ិចវៃឆ្លាតមួយប្រភេទដែលមាននូវទឹកថ្នាំពិសេសម្យ៉ាង រួមជាមួយនឹងឧបករណ៍ស្កេនដោយអាចផ្ដិតយកពណ៌អ្វីៗក៏បានដែរ។

Scribble Pen នេះអាចឲ្យអ្នកស្កេនពណ៌ជាច្រើនដោយគ្រាន់តែយកផ្នែកខាងលើនៃប៊ិចដែលមានបំពាក់នូវ Sensor ពណ៌ដ៏ពិសេស ទៅប៉ះនឹងវត្ថុណាមួយដែលមានពណ៌។ ឧទាហរណ៍ថាអ្នកគូរគំនូរ ឬសរសេរដោយប្រើពណ៌ខៀវដូចជាផ្លែប៉ោម អ្នកគ្រាន់តែយកផ្នែកខាងលើនៃប៊ិចទៅប៉ះនឹងប៉ោម នោះទឹកថ្នាំនឹងប្រើពណ៌ទៅតាមពណ៌ដែលបានស្កេនភ្លាមៗ។

យោងតាមវិបសាយរបស់ផលិតខាងលើបានឲ្យដឹងដា ទឹកថ្នាំនេះធន់នឹងទឹក ហើយមិនសាកពណ៌ទៅណាឡើយ។ គេមិនបានបញ្ជាក់ទេថាទឹកថ្នាំនេះនឹងអាចប្រើប្រាស់បានយូរដល់កម្រិតណា។ ចំពោះប៊ិចនេះដែរក៏អាចភ្ជាប់ទៅកាន់ ទូរសព្ទ ឬ tablet ដែលដំណើរការដោយប្រព័ន្ធប្រតិបត្តិការ iOS 7.0 ឡើងទៅ និង Android 4.0 ឡើងទៅ ដើម្បីរក្សាទុកពណ៌ដែលបានស្កេនរួច។

បញ្ជាក់ថាបច្ចុប្បន្ននេះប៊ិច Scribble Pen មានដាក់ឲ្យបញ្ជាទិញជាមុនក្នុងតម្លៃ ២៤៩ដុល្លារ (ទីផ្សារបរទេស) មួយគ្រឿង។ ប៊ិចនេះក៏មានជាប្រភេទ Scribble Pen Stylus ប្រើជាមួយ Tablet ប៉ុន្តែមិនមានទឹកថ្នាំដែលចម្លងពណ៌បាននោះទេដោយមានតម្លៃ ១១៩ដុល្លារ។ មិនតែប៉ុណ្ណោះក៏មានប្រភេទប្រើជាមួយ Tablet រួមទាំងក្រដាសធម្មតា ដែលមានតម្លៃ ៣០០ដុល្លារ៕

ចុចលើតំណភ្ជាប់នេះដើម្បីចូលទៅកាន់វិបសាយដើមរបស់ផលិតផល Scribble Pen

ចុចអាន៖ ដង្កៀបសក់ពិសេស មានបង្កប់មុខងារច្រើនស្មានមិនដល់

ប្រែសម្រួល៖ ហៃ សុខហេង ប្រភព៖ Mashable