២ ថ្ងៃសោះ CCC កំពង់សោមរកបាន ៣០ ក្រុមបាត់

2014-09-17 23:45:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រឹត្តិការណ៍ប្រកួតស្វែងរកជើងខ្លាំងប្រចាំខេត្តកំពង់សោម CCC កំពង់សោម ទទួលការចុះឈ្មោះប្រកួតអនឡាញបានរយៈពេល ២ ថ្ងៃហើយ បើគិតមកដល់ពេលនេះ។ ប៉ុន្តែអ្វីដែលគួរឲ្យកត់សម្គាល់នោះគឺថា ក្នុងរយៈពេល ២ ថ្ងៃនេះ CCC កំពង់សោមរកបានរហូតដល់ទៅ ៣០ ក្រុម ដែលក្នុងនោះមាន ២៨ ក្រុមចុះឈ្មោះចូលរួមប្រកួត AK និង ២ ក្រុមប្រកួត Age Of Naga។

ដូច្នេះសម្រាប់ជើងខ្លាំងទាំង ២ សេវាកម្សាន្តដែលមានបំណងចង់បង្ហាញសមត្ថភាពប្រយុទ្ធលើឆាក E-Sport ដ៏ធំប្រចាំប្រទេសកម្ពុជា ហើយមិនទាន់បានចុះឈ្មោះប្រកួត គួរប្រញាប់រួសរាន់ចុះឈ្មោះឡើង ព្រោះឱកាសក្រុមរបស់អ្នកអាចនឹងក្លាយជាក្រុមបម្រុងបើសិនជាកំពូលអ្នកចុះឈ្មោះក្រោយគេ។

ចុចទីនេះ ដើម្បីមើលពីរបៀបចុះឈ្មោះ

ចំណែកក្រុមដែលបានចុះឈ្មោះរួច សូមប្រធានក្រុមនីមួយៗគួរតែពិនិត្យមើលម្ដងទៀត ថាតើសមាជិកទាំង៤នាក់ក្នុងក្រុមរបស់ខ្លួនបានទទួលការស្នើសុំបង្កើតក្រុមពីអ្នកហើយឬនៅ។ បើសិនជាមានសមាជិកណាមួយក្នុងក្រុមរបស់អ្នក មិនបានទទួលការស្នើសុំបង្កើតក្រុមទេ នេះបានន័យថា ក្រុមរបស់អ្នកនឹងមិនមានសិទ្ធក្នុងការប្រកួតឡើយ ព្រោះក្រុមអ្នកមិនបានបំពេញតាមលក្ខខណ្ឌដែល Sabay បានណែនាំ។

CCC (Cambodia Cyber Championship) ជាព្រឹត្តិការណ៍ប្រកួតស្វែងរកជើងខ្លាំងសេវាកម្សាន្តរបស់ក្រុម គ្រួសារ Sabay Leng ប្រចាំខេត្តក្រុង ដើម្បីស្វែងរកជើងខ្លាំងប្រចាំតំបន់ទាំងនោះមកប្រកួតគ្នាផ្ដាច់ព្រ័ត្រ នៅរាជធានីភ្នំពេញ ហើយធ្វើជាជើងខ្លាំងប្រចាំឆ្នាំ ២០១៤ ក្នុងប្រទេសកម្ពុជា។

រួសរាន់ចុះឈ្មោះប្រកួតឲ្យបានលឿនណា៎ ប្រយ័ត្នក្លាយជាក្រុមបម្រុង៕

អត្ថបទ៖ ភីឆាយ