វត្តមានជាផ្លូវការនៃ Bugatti Chiron តម្លៃជាង ២លានដុល្លារ

2016-03-02 17:50:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងពិធីតាំងបង្ហាញរថយន្តប្រចាំឆ្នាំក្នុងប្រទេសស្វីស ក្រុមហ៊ុន Bugatti បានដាក់តាំងបង្ហាញរថយន្តស្ព័រទំនើបម៉ូដែលចុងក្រោយបំផុតរបស់ខ្លួន ដែលជាម៉ូដែល Chiron ហើយវាត្រូវបានគេផលិតតែ ៥០០គ្រឿងប៉ុណ្ណោះ ដោយក្នុងមួយគ្រឿងមានតម្លៃរហូតដល់ទៅជាង ២លានដុល្លារ។

សម្រាប់រថយន្តស្ព័រប្រភេទនេះវាមានបំពាក់នូវម៉ាស៊ីនចំនួន១៦ ដែលមានកម្លាំង ១៤៧៨សេះ។ លើសពីនេះជាមួយនឹងម៉ាស៊ីនដ៏ខ្លាំងរបស់វា Bugatti Chiron អាចបង្កើនសន្ទុះពី ០ ទៅ ២០០គីឡូម៉ែត្រក្នុងមួយម៉ោង ដោយចំណាយពេលតែ ៦វិនាទីប៉ុណ្ណោះ ហើយរថយន្តនេះអាចបើកបរបានក្នុងល្បឿន ៤០០គីឡូម៉ែត្រក្នុងមួយម៉ោង ដែលជាល្បឿនកំពូលរបស់វា។ ក្រុមហ៊ុនបានបង្ហាញថាក្រៅពីម៉ាស៊ីនដ៏ខ្លាំង Bugatti Chiron ក៏មានបំពាក់នូវបច្ចេកវិទ្យាទំនើបនានាដូចជាប្រព័ន្ធបញ្ជាចង្កូតអេឡិចត្រូនិក មុខងារបន្ថយកម្ដៅម៉ាស៊ីនដោយស្វ័យប្រវត្តិ និងមុខងាររក្សាលំនឹងពេលបើកបរផងដែរ៕