ដឹងអត់ថា Isco ឈ្នះប៉ុន្មានប្រកួតហើយ តាំងពីលេងឲ្យ Real?
- 2016-03-03 21:24:59
- ចំនួនមតិ 0 | ចំនួនចែករំលែក 0
ដឹងអត់ថា Isco ឈ្នះប៉ុន្មានប្រកួតហើយ តាំងពីលេងឲ្យ Real?
ចន្លោះមិនឃើញ
Isco ខ្សែបម្រើឆ្នើមល្បឿនលឿនរបស់ក្រុម Real Madrid បានឈ្នះចំនួន១០០ប្រកួតហើយ ក្នុងនាមជាកីឡាករក្រុមស្ដេចស បន្ទាប់ពីស៊ុតចូលទី១គ្រាប់ ជួយ Real ឈ្នះ Levante ៣-១ ក្នុងការប្រកួត La Liga សប្ដាហ៍ទី២៧យប់មិញទៀត។
ជ័យជម្នះទាំង១០០ប្រកួត របស់កីឡាករវ័យ២៣ឆ្នាំ ដែលបង្ហាញខ្លួនឲ្យ Real តាំងពីខែសីហា ឆ្នាំ២០១៣រូបនេះគឺ ឈ្នះនៅកម្មវិធីប្រកួត៥ផ្សេងៗគ្នា៖ La Liga (៦២ដង), UEFA Champions League (២៤ដង), Copa del Rey (១១ដង), Club World Cup (២ដង) និង European Super Cup (១ដង)។
អតីតតារាឆ្នើមក្រុម Malaga រូបនេះ បង្ហាញខ្លួនឲ្យ Real សរុប១៣៦ប្រកួតហើយ ស៊ុតបាន២២គ្រាប់ និងបានជួយឲ្យក្រុមស្ដេចសលើកពាន UEFA Champions League, Club World Cup, European Super Cup និង Copa del Rey ម្ដងៗផងដែរ។
Isco អបអរជាមួយ Ronaldo ក្រោយស៊ុតគ្រាប់ទី៣យប់មិញ
សម្រាប់រដូវកាលនេះវិញ Isco បង្ហាញខ្លួនសរុបបាន៣០ប្រកួត ស៊ុតបាន៤គ្រាប់ ហើយអំឡុងពេលដែលរូបគេចូលលេងគឺ បានជួយឲ្យ Real ឈ្នះ២០ប្រកួត៕
-ចុចអាន៖ Real ត្រៀមលក់ចេញកីឡាករ២នាក់ យកលុយទិញ Hazard
ប្រែសម្រួល៖ វិន ជីវ័ន្ត ប្រភព៖ realmadrid