តោះ! រៀនធ្វើបបរសណ្ដែកលឿង ឬតៅស្រ៊ាន់ តាមវីដេអូងាយៗ

2016-03-03 22:33:29
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកអាចក្រឡេកឃើញតាមផ្លូវមានគេរុញរទេះលក់ បបរសណ្ដែកលឿង ឬគេច្រើនហៅថា តៅស្រ៊ាន់ ដែលជាបង្អែមពេញនិយមមួយប្រភេទ ជាពិសេសគេចូលចិត្តញ៉ាំវាជាមួយនំ ឆាខ្វៃ។ ជាមួយគ្រឿងផ្សំងាយស្រួលរកទិញ និងងាយធ្វើ អ្នកអាចអនុវត្តតាមវិធីងាយៗខាងក្រោមនេះដោយខ្លួនឯង៖

គ្រឿងផ្សំ៖

សណ្ដែកលឿង កន្លះពែង
ម្សៅមី ១/៤ពែង
ស្ករស ១/៣ ពែង
ទឹក ២ពែង
ខ្ទិះដូង កន្លះពែង
អំបិល ១/៤ ស្លាបព្រាបាយ

វិធីធ្វើ៖

លាងសណ្ដែកលឿងឲ្យស្អាត រួចដាក់ត្រាំទឹកក្តៅឧណ្ហៗរយៈពេលពីរម៉ោង។ ត្រាំរួចច្រោះទឹកចេញ យកសណ្ដែកទៅដាក់ចំហុយរយៈ២០នាទីរហូតដល់ឆ្អិន ទុកឲ្យត្រជាក់។
ដាក់ដាំទឹក១ពែងកន្លះ ឲ្យពុះលាយស្ករស កូរឲ្យសព្វ។ លាយម្សៅដំឡូងមីនឹងទឹកកន្លះពែង រួចយកចាក់ចូលទឹកស្ករ កូរឲ្យសព្វ។ យកសណ្ដែកស្ងោរហើយមកចាក់ចូល កូរឲ្យសព្វ និងទុកឲ្យពុះ។
យកអំបិលចាក់លាយជាមួយខ្ទិះដូង កូរឲ្យរលាយសព្វ។
ដួសបបរសណ្ដែកដាក់ចានរួចថែមទឹកខ្ទិះដូងកូរអំបិលពីលើ នោះអ្នកនឹងបានបបរសណ្ដែកឈ្ងុយឆ្ងាញ់ បើមាននំឆាខ្វៃទៀតនោះកាន់តែពិសេស៕