មហាសេដ្ឋីពាន់លានដុល្លារចិន វ័យក្មេងជាងគេបំផុតទាំង១០
- 2016-03-06 13:05:04
- ចំនួនមតិ 0 | ចំនួនចែករំលែក 0
មហាសេដ្ឋីពាន់លានដុល្លារចិន វ័យក្មេងជាងគេបំផុតទាំង១០
ចន្លោះមិនឃើញ
ថ្មីៗនេះ សារព័ត៌មានជុំវិញពិភពលោក បានចាប់អារម្មណ៍ពីចំណាត់ថ្នាក់មហាសេដ្ឋីលុយពាន់លានដុល្លារវ័យក្មេងជាងគេបំផុតសញ្ជាតិន័រវែស នាង Alexandra Andresen ដែលមានទ្រព្យសម្បត្តិប្រមាណ ១,២ពាន់លានដុល្លារ ខណៈអាយុនៅត្រឹមតែ ១៩ឆ្នាំប៉ុណ្ណោះ។ ក្រោយដំណឹងនេះល្បីខ្ទរខ្ទារដល់ប្រទេសចិន អ្នកប្រើប្រាស់អ៊ីនធឺណិតជាច្រើននាក់ ក៏បានរកឃើញប្រជាជនចិនដីគោកវ័យក្មេង មានទ្រព្យច្រើនជាងគេ ១០រូបផងដែរ ពីក្នុងបញ្ជី Fobes ដូចគ្នា។
១. លោក Wang Han អាយុ ២៨ឆ្នាំ មានទ្រព្យ ១,៣លានដុល្លារ
Wang Han បានក្លាយជាមហាសេដ្ឋីពាន់លានដុល្លារ បន្ទាប់ពីទទួលមរតកពីឪពុកជាភាគហ៊ុន ២៧% ពីក្រុមហ៊ុនអាកាសចរណ៍ក្នុងតំបន់ Juneyao Air និងភាគហ៊ុនអគារផ្សារទំនើប Wuxi Commercial Mansion Grand Orient។
២. លោក Wang Yue អាយុ ៣២ឆ្នាំ មានទ្រព្យ ១,១ពាន់លានដុល្លារ
លោករកចំណូលបានពីហ្គេមអនឡាញទូរសព្ទ ហើយគេហៅគាត់ថា"មហាសេដ្ឋីហ្គេមអនឡាញ" និងជានាយកប្រតិបត្តិ ក្រុមហ៊ុនបច្ចេកវិទ្យា Kingnet។
៣. លោក Cheng Wei អាយុ ៣៣ឆ្នាំ មានទ្រព្យ ១ពាន់លានដុល្លារ
លោកជានាយកប្រតិបត្តិក្រុមហ៊ុនដឹកជញ្ជូនចិន Didi Kuaidi មុនចាប់ផ្ដើមក្រុមហ៊ុននេះលោកបានធ្វើការនៅ Alibaba រយៈពេល ៨ឆ្នាំជាអនុប្រធានចាយលុយតាមអនឡាញ Alipay។
៤. Yang Huiyan អាយុ ៣៤ឆ្នាំ មានទ្រព្យ ៤,៩ពាន់លានដុល្លារ
Yang Huiyan មកពីក្រុង Foshan ខេត្តក្វាងទុង ជាម្ចាស់ភាគហ៊ុនធំបំផុតនៃក្រុមហ៊ុនអចលនទ្រព្យ Country Garden Holding ដែលឪពុកបានផ្ទេរមរតកកាលនៅអាយុ ២៥ឆ្នាំ។
៥. លោក Frank Wang Tao អាយុ ៣៥ឆ្នាំមានទ្រព្យ ៣,៦ពាន់លានដុល្លារ
លោកជាស្ថាបនិក និងនាយកប្រតិបត្តិរបស់ក្រុមហ៊ុនផ្គត់ផ្គង់យន្តហោះដ្រូនស៊ីវិល DJI នៅក្រុងShenzhen ដែលចាប់ផ្ដើមរកស៊ីដំបូងក្នុងឆ្នាំ ២០០៦។ ការិយាល័យក្រុមហ៊ុនលោក មាននៅអាមេរិកអាល្លឺម៉ង់ ហូឡង់ ជប៉ុន ប៉េកាំង និងហុងកុង។
៦. លោក Zhang Bangxin អាយុ ៣៥ឆ្នាំ មានទ្រព្យ ១,០១ពាន់លានដុល្លារ
លោកជាប្រធាន និងនាយកប្រតិបត្តិ ក្រុមហ៊ុនបើកបង្រៀនតាមផ្ទះ TAL Education Group ដែលមានមូលដ្ឋាននៅក្រុងប៉េកាំង។ កម្រិតត្រូវបង្រៀនចាប់ពីមតេ្តយ្យដល់ ថ្នាក់ទី១២ និងមានជាង ៥០០កន្លែងទូទាំងប្រទេសចិន។
៧. លោក Cai Xiaoru អាយុ ៣៦ឆ្នាំ មានទ្រព្យ ១,២ពាន់លានដុល្លារ
លោកជាប្រធានក្រុមហ៊ុនសិក្សាស្រាវជ្រាវ អភិវឌ្ឍ ផលិត និងចែកចាយ ID ប្រេកង់វិទ្យុ ឈ្មោះ Tatwah Smartech។
៨. លោក Li Weiwei អាយុ ៣៧ឆ្នាំ មានទ្រព្យ ១,៣ពាន់លានដុល្លារ
លោកជាអនុប្រធានក្រុមហ៊ុនហ្គេមអនឡាញ Wuhu Shunrong Sanqi Interactive Entertainment Network Technology ដែលមានផ្ដល់ផលិតផលហ្គេមគុណភាពខ្ពស់។
៩. លោក Zhou Yahui អាយុ ៣៩ឆ្នាំ មានទ្រព្យ ២ពាន់លានដុល្លារ
Zhou Yahui ជានាយកប្រតិបត្តិក្រុមហ៊ុនបច្ចេកវិទ្យា Beijing Kunlun Tech ដែលជាប្រតិបត្តិករ និងអ្នកបង្កើតហ្គេមកុំព្យូទ័រអនឡាញ។
១០. Wu Gang អាយុ ៣៩ឆ្នាំ មានទ្រព្យ ១,៣ពាន់លានដុល្លារ
លោកជានាយកប្រតិបត្តិ និងសហស្ថាបនិកក្រុមហ៊ុនគ្រប់គ្រងប្រាក់ Beijing Tongchuang Jiuding Investment Management ដែលគេស្គាល់ថា Jdcapital ៕
ចុចអាន៖ អាយុ១៩ឆ្នាំ ក្លាយជាមហាសេដ្ឋីពាន់លានដុល្លារ ក្មេងបំផុតក្នុងលោក
ចុចអាន៖ សហគ្រិន២រូបដែលក្លាយជាមហាសេដ្ឋីដោយសារ Facebook
ប្រែសម្រួល៖ ឡេង ភារុណ ប្រភព៖ whatsonweibo