Southampton វាយបកឈ្នះ Liverpool ៣-២ ខណៈ Man City ចាញ់ Man Utd

2016-03-21 13:51:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្ដីសង្ឃឹម Top 4 របស់ Liverpool កាន់តែរសាត់ទៅឆ្ងាយ បន្ទាប់ពីភ្លាត់ស្នៀតចាញ់ Southampton ៣-២ បើទោះជានាំមុខតង់ទី១ ២-០ យ៉ាងណាក៏ដោយ។

ចាប់ផ្ដើមការប្រកួតបាន១៧នាទី ខ្សែបម្រើ Philippe Coutinho បានស៊ុតមួយជើងពីចម្ងាយជួយក្រុមភ្ញៀវឲ្យ នាំមុខ១-០ នៅទឹកដី St Mary's។ រំលងបាន៥នាទី Daniel Sturridge ជាអ្នកបន្ថែមគ្រាប់ទី២ នៅនាទី ២២។

ចូលមកដល់ដើម តង់ទី២ Southampton បានបាល់ពិន័យ១១ម៉ែត្រ១គ្រាប់ តែធ្វើមិនបានសម្រេច ក្រោយអ្នកចាំទី Mignolet ជួយសង្គ្រោះបាន។ យ៉ាងណាក្ដី ម្ចាស់ផ្ទះនៅតែបន្តការវាយសម្រុក រហូតរកបាន ៣គ្រាប់វិញមិនគួរឲ្យជឿ ដោយកីឡាករ Mané ២គ្រាប់ម្នាក់ឯងនៅនាទី ៦៤,៨៦ និងPellè នៅនាទី ៨៣ ធ្វើឲ្យចប់ការប្រកួត ម្ចាស់ផ្ទះបានបំបាក់ Liverpool ៣-២។

១គូផ្សេងទៀតក្នុងជំនួបដ៏ធំ Manchester Derby ក្រុមមេឃខៀវ Man City បានត្រឹមខកចិត្តក្រោយចាញ់ Man Utd ១-០ ស៊ុតបញ្ចូលទីដោយខ្សែប្រយុទ្ធវ័យក្មេង Rashford តាំងតែពីនាទី១៦។ ជ័យជម្នះនេះ ធ្វើឲ្យ Man Utd កាន់តែខិតចូលតំបន់កំពូលទាំង៤ ក្រោមក្រុមលេខ៤ Man City ត្រឹម១ពិន្ទុប៉ុណ្ណោះ។