Zidane ថា Real ត្រៀមខ្លួនរួចហើយ ដើម្បីសងសឹក Barca
- 2016-03-21 17:27:10
- ចំនួនមតិ 0 | ចំនួនចែករំលែក 0
Zidane ថា Real ត្រៀមខ្លួនរួចហើយ ដើម្បីសងសឹក Barca
ចន្លោះមិនឃើញ
Zinedine Zidane អ្នកចាត់ការក្រុម Real Madrid បានលើកឡើងថា ក្រុមស្ដេចសរបស់លោក បានត្រៀមខ្លួនរួចរាល់ហើយ ដើម្បីសងសឹកក្រុម FC Barcelona នៅប្រកួត La Liga បន្ទាប់ ក្នុងជំនួប El Clasico ដើមខែមេសាខាងមុខនេះ។
Barcelona បានលត់ Real Madrid ៤-០ ដល់កីឡដ្ឋាន Santiago Bernabeu កាលប៉ះគ្នាខែវិច្ឆិកា ប៉ុន្តែបន្ទាប់ពីក្រុមស្ដេចស បង្ហាញទម្រង់លេងកាន់តែល្អខ្លាំង ដោយបំបាក់ Sevilla ៤-០ យប់មិញនេះ អ្នកចាត់ការ Zidane ជឿថា Real នឹងអាចសងសឹក Barca បានវិញ នៅពេលប៉ះគ្នា ប្រកួតបន្ទាប់។
អ្នកចាត់ការសញ្ជាតិបារាំង បាននិយាយយប់មិញថា៖ "El Clasico គឺតែងតែពិសេស។ យើងត្រូវតែរក្សាភាពរីកចម្រើនរបស់យើង ហើយវាពិតជាសំខាន់ណាស់ ដើម្បីធ្វើដំណើរទៅទីនោះ (ទឹកដី Barca) យកជ័យជម្នះឲ្យបាន។ យើងបានត្រៀមខ្លួនរួចរាល់អស់ហើយ ដូច្នេះវានឹងក្លាយជាការប្រកួតដ៏អស្ចារ្យ”។
Real នឹងត្រូវធ្វើដំណើរទៅកីឡដ្ឋាន Camp Nou ប៉ះ Barca នៅយប់ថ្ងៃសៅរ៍ទី២ ខែមេសាខាងមុខនេះ ក្រោយត្រឡប់ពីការសម្រាកប្រកួតលក្ខណៈអន្តរជាតិវិញ៕
ចុះប្រិយមិត្តជឿថា Real អាចសងសឹក Barca បានវិញអត់?
-ចុចអាន៖ Real Madrid ស៊ីផុយ Sevilla ៤-0 រីឯ Barca បានត្រឹម១ពិន្ទុពីផ្ទះ Villarreal
ប្រែសម្រួល៖ វិន ជីវ័ន្ត ប្រភព៖ Sport-English