Justin Bieber រំសាយការប្រគំតន្ត្រីនិងជួបFanដោយសារសំពាធផ្លូវចិត្តខ្លាំងពេក

2016-03-24 16:33:47
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងវ័យក្មេងសញ្ជាតិកាណាដា Justin Bieber បានត្រៀមរួចរាល់សម្រាប់ការប្រគំតន្ត្រីទេសចរណ៍របស់ខ្លួន ប៉ុន្តែបែរជាផ្អាកទៅវិញដោយគេមានអារម្មណ៍ថាកំពុងមានសំពាធ។

កាលពីថ្ងៃអង្គារ លើបណ្ដាញ Instagram ម្ចាស់បទ "Love Yourself” បានបង្ហោះរូបឱបជាមួយអ្នកគាំទ្រវ័យក្មេងម្នាក់នឹងរៀបរាប់ពីបញ្ហារបស់ខ្លួនដែលមិនចង់ជួបនិងស្វាគមន៍អ្វីទាំងអស់។ "ពេលចប់កម្មវិធីម្ដងៗ ខ្ញុំមានអារម្មណ៍ថាអស់កម្លាំងពីខ្លួន និងបានទទួលសំពាធពីអ្នកគាំទ្រជាច្រើន ដែលធ្វើឲ្យខ្ញុំហត់នឿយខ្លាំងនិងមិនសប្បាយចិត្ត"។ Justin សរសេរ។

តារាវ័យ២២ឆ្នាំបានសរសេរតថា៖"ចង់ឲ្យមនុស្សគ្រប់គ្នាញញឹមនិងសប្បាយចិត្ត ប៉ុន្តែមិនមែនអាស្រ័យលើខ្ញុំទាំងអស់ទេ ហើយខ្ញុំតែបាត់បង់អារម្មណ៍បញ្ញាស្មារតីនិងអស់កម្លាំងផ្លូវចិត្តរហូតដល់ចំណុចនៃការធ្លាក់ទឹកចិត្ត។ សំពាធនៃការជួបមនុស្ស គឺជាអ្វីដែលខ្ញុំគិតថាវាច្រើនសម្រាប់ខ្ញុំដែលជាអ្នករ៉ាប់រង។ ខ្ញុំមិនដែលគិតចង់ឲ្យរឿងទាំងអស់ខកខាននោះទេ ប៉ុន្តែខ្ញុំនឹងឲ្យអ្នកវិញសម្រាប់ការប្រគំតន្ត្រីនិងអាល់ប៊ុមរបស់ខ្ញុំតាមការសន្យា"។

ជាចុងក្រោយអតីតមិត្តប្រុសរបស់ Selena Gomez រូបនេះបន្ថែមថា៖"មិនដឹងថានិយាយសូមទោសអ្នកដោយរបៀបណាទេ ហើយសង្ឃឹមថាវាមិនធ្វើឲ្យខ្ញុំពិបាកទេ...ខ្ញុំចង់រស់នៅដោយមានគំនិតប្រកបដោយសុខភាពល្អ ហើយខ្ញុំនឹងបង្ហាញការប្រគំតន្ត្រីដ៏ពិសេសមួយដែលអ្នកមិនធ្លាប់ឃើញ"៕