ហុល្លង់ចាញ់ក្រោមថ្វីជើងបារាំង ៣-២ ក្នុងការប្រកួតមិត្តភាពយប់មិញ
- 2016-03-26 17:46:54
- ចំនួនមតិ 0 | ចំនួនចែករំលែក 0
ហុល្លង់ចាញ់ក្រោមថ្វីជើងបារាំង ៣-២ ក្នុងការប្រកួតមិត្តភាពយប់មិញ
ចន្លោះមិនឃើញ
ម្ចាស់ផ្ទះហុល្លង់ស្ពឹកមុខនៅចំពោះមុខអ្នកគាំទ្រខ្លួនឯង ដោយសារតែក្រុមបារាំងបានយកឈ្នះដោយលទ្ធផល ៣-២ ក្នុងការប្រកួតមិត្តភាពកាលពីយប់មិញនេះ។
ខ្សែបម្រើស្លាប Antoine Griezmann ជាអ្នករកគ្រាប់បាល់ឱ្យក្រុមបារាំងនាំមុខមុន ដោយការទាត់បាល់ហ្វ្រីឃីក ខណៈដែលគ្រាប់ទី២ធ្វើបានដោយខ្សែប្រយុទ្ធ Olivier Giroud ។ ចូលដល់តង់ទី២ ខ្សែប្រយុទ្ធ Luuk de Jong របស់ក្រុមហុល្លង់រកគ្រាប់បាល់តាមបានមួយគ្រាប់វិញ ហើយមួយគ្រាប់ទៀតធ្វើបានសម្រេចដោយកីឡាករ Afellay លេងនៅក្រុម Stoke City ។
លទ្ធផល ២-២ នេះ មិនគ្រប់គ្រាន់ទេសម្រាប់ក្រុមបារាំង ដោយជិតនឹងចប់ការប្រកួតទៅហើយនោះ Blaise Matuidi ជាអ្នកស៊ុតបានមួយគ្រាប់យ៉ាងស្អាតជួយឱ្យមាន់គកបារាំង ឈ្នះដោយលទ្ធផល ៣-២ ក្នុងការប្រកួតមិត្តភាពអន្តរជាតិនេះ។
អត្ថបទ៖ មុន្នី រម្យ
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
