ភាពយន្តបំបែកកំណត់ត្រាប្រវត្តិសាស្ត្ររបស់ទិនហ្វីត្រូវអ្នកជំនាញរិះគន់គ្មានអាសូរ

2016-03-30 15:48:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាពយន្ត "The Mermaid” បានក្លាយជារឿងរកប្រាក់ចំណូលបានច្រើនបំផុតក្នុងប្រវត្តិសាស្ត្រវិស័យភាពយន្តចិនជាមួយថវិកាសរុបជាង៥០០លានដុល្លារ តែនៅក្នុងកែវភ្នែកអ្នកជំនាញ ភាពយន្តនេះត្រូវគេវាយតម្លៃទាប។

ផលិតករ To Kei Fung

ក្នុងជំនួបជាមួយអ្នកកាសែតរបស់បណ្ដាញព័ត៌មាន Movie 1905 អ្នកដឹកនាំរឿងនិងផលិតករ To Kei Fung បានបង្ហាញពីភាពអស់សង្ឃឹមចំពោះសារព័ត៌មានដែលបានលើកតម្កើងភាពយន្ត "The Mermaid” របស់ទិនហ្វីហួសហេតុពេក។ លោកបានឲ្យដឹងថា ប៉ុន្មានឆ្នាំចុងក្រោយនេះ ប្រធានបទរឿងបែបយុទ្ធសិល្បត្រូវគេបានផលិតច្រើន តែមិនទាន់មានរឿងណាដែលអាចចាត់ទុកថាល្អឥតខ្ចោះ។

“ច្រើនឆ្នាំក្នុងសិល្បៈ ខ្ញុំមិនទាន់រកឃើញភាពយន្តណាដែលត្រូវនឹងចិត្តខ្លួនឯងទេ ខ្ញុំនៅតែបន្តស្វែងរកទៀត។ សម្រាប់ "The Mermaid” ខ្ញុំគិតថារឿងនេះគួរឲ្យធុញ ពិបាកមើល។ ខ្ញុំជាមនុស្សត្រង់ ចូលចិត្តនិយាយការពិត មិនចង់និយាយវែងឆ្ងាយ។ បើមិនចូលចិត្តនឹងនិយាយថាមិនចូលចិត្ត។ ទិនហ្វីគឺជាមនុស្សមានទេពកោសល្យ និងជោគជ័យប៉ុន្តែអ្វីដែលលោកបានធ្វើក្នុងរឿង "The Mermaid” គឺមិនដូចអ្វីដែលខ្ញុំរំពឹង"។ អ្នកដឹកនាំរឿងល្បីឈ្មោះថ្លែង។

មិនបញ្ឈប់ត្រឹមនេះ ផលិតករអាយុ៦០ ឆ្នាំបានបន្ថែមទៀតថា "The Mermaid” មានខ្លឹមសារចាញ់រឿង "The Monkey King 3D 2” របស់អ្នកដឹកនាំរឿង Cheang Pou Soi ឆ្ងាយ។ To Kei Fung កើតឆ្នាំ ១៩៥៥ គឺជាអ្នកដឹកនាំរឿង កវីនិពន្ធ និងផលិតករល្បីឈ្មោះរបស់ចិន។ លោកគឺជាអ្នកឈរពីក្រោយភាពយន្តកំពូលដូចជា "Breaking News” “Election 1” “Election 2” និង "Drug War” ជាដើម។ នៅក្នុងអាជីពរបស់ខ្លួន To Kei Fung ត្រូវបានប្រគល់រង្វាន់អ្នកដឹកនាំសម្ដែងឆ្នើមបំផុតចំនួន៣ដងក្នុងកម្មវិធី Golden Statue៕

ចុចអាន៖ទិន ហ្វីត្រូវគេចោទជា”អណ្ដើកក្នុងស្នូក”ខ្ចីលុយមិនសង និងលួចស្រាគេផឹកទៀត

ប្រែសម្រួល៖ សុវណ្ណផៃ ប្រភព៖lollipop