ម៉ូសស្រ៊ី មីស្រុស ភ្លក់មីឆាប្រហិតបំពងដ៏ឆ្ងាញ់ពិសា
- 2014-10-25 18:11:06
- ចំនួនមតិ 0 | ចំនួនចែករំលែក 0
ម៉ូសស្រ៊ី មីស្រុស ភ្លក់មីឆាប្រហិតបំពងដ៏ឆ្ងាញ់ពិសា
ចន្លោះមិនឃើញ
ស្ដាប់ឈ្មោះពិតជាប្លែកអារម្មណ៍មិនខាន។ មានហាងមួយគេដាក់ឈ្មោះថា ម៉ូសស្រ៊ី (MOSS3) តាមការពិតមកពីពាក្យថា មីស្រុស សោះ។ ហាងមួយហ្នឹង មានលក្ខណៈពិសេសយ៉ាងណាទៅហ្ន? មានត្រឹមតែមីស្រុស មែនឬ?
ហាង ម៉ូសស្រ៊ី បើកបានជាង១០ឆ្នាំហើយ ហើយត្រូវបានទទួលការគាំទ្រ ពីយុវវ័យយ៉ាងច្រើន។ បាទ! នៅទីនោះ មិនមែនមានតែមីស្រុសនោះទេ តែក៏មានមីឆាពិសេស ដែលគេដាក់ឈ្មោះថា មីឆាប្រហិតបំពង។ មីឆាប្រហិតបំពង មានរសជាតិឆ្ងាញ់ព្រោះតែមានសរសៃទន់ និងស្វិតបន្តិច ហើយមានថែមប្រហិតសាច់គោ និងពងទាចៀនតាមការកុម្ម៉ង់ បូករួមទាំងបរិយាកាសក្នុងហាងដ៏ទាក់ទាញទៀត មើលទៅពិតជាប្លែអារម្មណ៍។
ក្រៅតែប្រហិតសាច់គោ ៤គ្រាប់ និងពងទាចៀនជ័រព្នៅមួយគ្រាប់ក្នុងមួយចាន គេមានដាក់បន្លែត្រកួនខ្ចីៗស្រស់ៗ ដែលធ្វើឲ្យរសជាតិមីឆ្ងាញ់តែម្ដង។ រីឯការចម្អិនវិញ ហាងនេះប្រើឆ្នាំងតូចៗចម្អិនដាច់ដោយឡែក តែធ្វើរសជាតិ ១ចានៗ ឆ្ងាញ់ដូចៗគ្នា។
ក្នុង១ថ្ងៃហាងមូសស្រី លក់មីស្រុសបានជាង៣០០ចានក៏ព្រោះតែមានតម្លៃថោកសមល្មម ពោលគឺតម្លៃចន្លោះពី ៣៥០០រៀល ដល់ ៥០០០រៀល។
ក្រៅ ពីមីស្រុស ម៉ូសស្រ៊ី (MOSS3) ក៏មានលក់ប្រហិតសាច់គោបំពង និងមីឆាប្រហិតពិសេសផងដែររ។ហាងនេះ ចាប់ផ្ដើមបើកពីម៉ោង ៤ល្ងាច រហូតដល់ម៉ោង ៨យប់។
ម៉ូសស្រ៊ី មានទីតាំងស្ថិតនៅ ផ្លូវលេខ ៣៣៨ សង្កាត់ទួលស្វាយព្រៃ២ ខណ្ឌចំការមន រាជធានីភ្នំពេញ ឬ ទូរសព្ទ 023 64 01 887៕
-មើលអាហារជាច្រើន ចុចត្រង់នេះ
អត្ថបទ៖កង ចាន់បញ្ញា
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
