ក្លឹបអ្នកមាននៅចិនចង់ទិញ Turan របស់ Barca
- 2016-04-12 17:19:08
- ចំនួនមតិ 0 | ចំនួនចែករំលែក 0
ក្លឹបអ្នកមាននៅចិនចង់ទិញ Turan របស់ Barca
ចន្លោះមិនឃើញ
ពេលវេលារបស់ Arda Turan នៅ Barcelona អាចនឹងដល់ទីបញ្ចប់ បើសិនជាក្លឹប និងសាមីកីឡាករ យល់ព្រមទទួលសំណើសុំទិញរបស់ក្លឹបយក្សនៅប្រទេសចិន។
តារាបាល់ទាត់សញ្ជាតិតួកគីត្រូវភាគីខាងចិនផ្ដល់កិច្ចសន្យាមានតម្លៃរាប់សិនលានដុល្លារ ដែលអាចធ្វើឲ្យរូបគេពិចារណាពីអនាគតរបស់ខ្លួននៅទឹកដី Nou Camp។ យ៉ាងណាក៏ដោយអ្នកចាត់ការ Luis Enrique ហាក់មិនទាន់គិតដល់ការដោះដូរនៅឡើយ ដោយសារវត្តមាន Turan អាចជួយដល់ Barcelona ច្រើន។
Turan អាចនឹងយល់ព្រមជាមួយក្លឹបចិន ដោយសារតែមិនអាចប្រជែងតំណែងជម្រើសដំបូងជាមួយសមាជិកឆ្នើមៗដទៃរបស់ Barca ហើយហេតុផលមួយទៀតគឺចិនហ៊ានផ្ដល់ថ្លៃពលកម្មច្រើនជាងចំនួន ដែលរូបគេទទួលបានសព្វថ្ងៃ។
ចាំមើលបន្តទៀត ថាតើ Turan អាចចាកចេញពីទ្រនំនៅអេស្ប៉ាញមែនឬយ៉ាងណា?
ចុចអាន៖ គ្រូ Leicester ឈ្នះពានអ្នកចាត់ការល្អបំផុតនៅ EPL ប្រចាំខែមិនា
ប្រែសម្រួល៖ វីរ៉ុត ប្រភព៖ Sport English