៧យ៉ាងពីក្រោយដំណើរកម្សាន្តជួយរឹតចំណងស្នេហាឲ្យកាន់តែស្អិតល្មួត

2014-10-27 16:06:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ការធ្វើដំណើរកម្សាន្តមិនត្រឹមតែផ្ដល់ភាពរីករាយមួយមុខទេ ប៉ុន្តែវាបានផ្ដល់អត្ថប្រយោជន៍ជាច្រើនទៀត។ ថ្ងៃនេះ គេហទំព័រ Womanitely នឹងប្រាប់ពីវិធី៧យ៉ាងពេលធ្វើដំណើរកម្សាន្តធ្វើឲ្យគូស្នេហ៍កាន់តែស្អិតល្មួតខ្លាំងឡើង៖

១.ធ្វើឲ្យមានការចងចាំរួមគ្នា

ការចំណាយពេលធ្វើដំណើរកម្សាន្តជាមួយដៃគូគឺជាការបង្កើននូវទំនាក់ទំនងរបស់អ្នក។ ការចងចាំជាទ្រព្យសម្បត្តិ និង ជាសមិទ្ធផលរួមគ្នា។ ជីវិតគឺមានពេលខ្លីណាស់ដូចនេះគួរតែបង្កើតអនុស្សាវរីយ៍តាមដែលអាចធ្វើទៅបាន។ ពេលឈានចូលដល់វ័យចំណាស់អ្នកនឹងចងចាំភាពកក់ក្ដៅ និង តម្លៃនៃភាពជាយុវជនរបស់អ្នក។ ការធ្វើដំណើរនឹងបង្រៀនអ្នកក្នុងការអភិវឌ្ឍរបៀបរស់នៅក្នុងជីវិតដែលគួរឲ្យចាប់អារម្មណ៍ និង ពង្រឹងទំនាក់ទំនងរបស់អ្នក។

២.ទទួលបានបទពិសោធន៍ថ្មីៗ

ការធ្វើដំណើរទាំងពីរនាក់អាចបង្រៀន និង ជួយជំរុញអ្នកឲ្យចាកចេញពីកន្លែងទុក្ខសោក។ វាអាចជួយអ្នកក្នុងការចែករំលែកពេលមិនអាចបំភ្លេចបានជាមួយនឹងមនុស្សដែលអ្នកស្រលាញ់។ លើសពីនេះ អ្នកអាចទទួលបានជំនាញថ្មីនៅពេលដែលអ្នកព្យាយាមធ្វើអ្វីដែលអ្នកមិនធ្លាប់បានធ្វើពីមុនមក។

៣.សេរីភាព

មនុស្សគ្រប់រូបបានបង្កើតពិភពលោកនៅជុំវិញខ្លួនរបស់ពួកគេ។ ពិភពលោករបស់ពួកគេមានផ្ទះរបស់ពួកគេ ការងារ រង្វង់នៃទំនាក់ទំនង កាលវិភាគប្រចាំថ្ងៃ និង បញ្ហា។ ពេលធ្វើដំណើរអ្នកអាចបំភ្លេចបញ្ហាផ្សេងៗ និង រីករាយនឹងភាពស្រស់ស្អាតជាមួយពិភពលោកដែលនៅខាងក្រៅ។

៤.មានភាពរីករាយច្រើន

ការធ្វើដំណើរកម្សាន្តជាវិធីដ៏ល្អឥតខ្ចោះដើម្បីសម្រាកលំហែជាមួយដៃគូ។ នៅពេលដែលធ្វើដំណើរ អ្នកមានសិទ្ធិផ្អាកការងារអ្វីគ្រប់យ៉ាងដែលអាចប៉ះពាល់ដល់ទំនាក់ទំនងរបស់អ្នក។ ពិភពលោកនេះគឺពេញលេញទៅដោយទីកន្លែងដែលអាចជួយឱ្យអ្នកសប្បាយរីករាយបានច្រើន និង ទទួលបានសុភមង្គល។ ភាពសប្បាយរីករាយអាចជំនួសដោយទស្សនវិជ្ជមានរបស់អ្នក ហើយវានឹងជួយពង្រឹងទំនាក់ទំនងរបស់អ្នកបាន។

៥.រៀនអ្វីថ្មីទាំងអស់គ្នា

ពេលអ្នកនឹងដៃគូធ្វើដំណើររួមគ្នា អ្នកទាំងពីរអាចរៀនអ្វីដែលថ្មីអំពីពិភពលោក។ នេះជាបទពិសោធន៍គួរឲ្យរំភើបអាចបង្កើនចំណង់ចំណូលចិត្ត និង ក្ដីស្រឡាញ់របស់អ្នក។ ពេលដែលទៅទស្សនាបណ្ដាប្រទេសដ៏ទៃអ្នកអាចរៀនអំពីវប្បធម៌ និង ប្រវត្តិសាស្ត្រនៃប្រទេសជាតិជាច្រើន។ វាធ្វើឱ្យអ្នកទាំងពីរមានចំណេះដឹងទូទៅកាន់តែទូលំទូលាយ ។

៦.ការធ្វើដំណើរជំរុញឲ្យអ្នកប្រឈមនឹងជីវិតថ្មី

គោលបំណងនៃការធ្វើដំណើរកម្សាន្តគឺដើម្បីរំលឹកការចងចាំរបស់អ្នក និង ត្រៀមខ្លួនទទួលយកជីវិតថ្មីជាមួយស្នាមញញឹម។ វាមានប្រសិទ្ធភាពជួយបំបាត់ភាពតានតឹង ជួយអ្នកទាំងពីរកម្ចាត់ជំងឺធ្លាក់ទឹកចិត្ត និង អភិវឌ្ឍគំនិតវិជ្ជមាន។ ការធ្វើដំណើរកម្សាន្តរួមគ្នាអាចជួយផ្សះផ្សាទំនាក់ទំនងបានឡើងវិញ។

៧.នាំមកនូវភាពផ្អែមល្ហែម

ការធ្វើដំណើរកម្សាន្តធ្វើឲ្យអ្នកមានឱកាសផ្ដោតការយកចិត្តទុកដាក់ចំពោះគ្នាទៅវិញទៅមកដោយចំណាយពេលនៅជាមួយគ្នាតែពីរនាក់ឆ្ងាយពីផ្ទះ៕

-មើលអត្ថបទ៖ ៥កន្លែងដ៏ទាក់ទាញនៅម៉ាឡេស៊ី និងសិង្ហបុរី ខ្មែរនិយមទៅកម្សាន្តជាងគេ

ប្រែសម្រួល៖ទ្រី រ៉ាវី

ប្រភព៖womanitely