និស្សិត IT ប្រុសៗឃើញស្រីមិនបាន?

2016-04-20 17:24:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ទោះបីបច្ចុប្បន្នវិស័យ ICT នៅកម្ពុជាកំពុងតែរីកចម្រើន តែបើនិយាយពីចំនួននិស្សិតស្រីចាប់យកជំនាញនេះនៅតិចតួចនៅឡើយ រហូតធ្វើឱ្យថ្នាក់រៀនខ្លះមានស្រីតែ ២ ទៅ ៣ នាក់ ឬខ្លះអាចច្រើនជាងនេះបន្តិច។ និស្សិតប្រុសរៀនព័ត៌មានវិទ្យា (IT) ខ្លះអត់ទាន់មានសង្សារ ហើយខ្លះទៀតក៏ចង់មានដែរតែរកមិនបាន ដូច្នេះទើបក្លាយជាប្រធានពេញនិយមលើហ្វេសប៊ុក ដល់ថ្នាក់ផេក Troll មួយចំនួន Troll ឌឺដងនិស្សិត IT ប្រុសៗម៉ាកប់ៗថាឃើញស្រីមិនបាន។

និយាយរឿងខ្សត់សិស្សស្រីរៀនថ្នាក់ IT នេះ លោក ឃៀង ដែលជាអតីតនិស្សិតរៀនជំនាញ IT នៅសាកលវិទ្យាល័យមេគង្គនិយាយថា កាលរៀនឆ្នាំទី ១ ថ្នាក់រៀនលោកមានសិស្សស្រីតែ ៤ទៅ ៥នាក់ទេ។ លោកថា ដល់ថ្នាក់រៀនលោកខ្សត់ស្រីបែបនេះ មានអារម្មណ៍ប្លែកហើយពេលខ្លះក៏ស្រ្តេសដែរ។ ពេលដើរឃើញស្រីស្អាតៗរៀនថ្នាក់ផ្សេង (មិនមែនថ្នាក់ IT) លោកនិងមិត្តភ័ក្ដិតែងហៅគ្នាមើលឬសម្លឹងមិនដាក់ភ្នែកក៏មាន។

“ពេលដើរឃើញស្រីស្អាតៗម្តងៗ ញុំ (ខ្ញុំ) និងពួកម៉ាក (មិត្តភ័ក្ដិ) ឡើងវ៉ុល...ធ្វើដូចអត់ឃ្លានណាស់ចឹង"។ ឃៀងនិយាយបណ្តើរសើចបណ្តើរ។

ងាកមកលោក ហៀង ដែលជានិស្សិតរៀនថ្នាក់ Master ជំនាញ IT នៅសាកលវិទ្យាល័យន័រតុន និយាយស្រដៀងគ្នានេះដែរថា លោកដូចគ្មានអារម្មណ៍រៀនទេ ព្រោះថ្នាក់រៀនលោកមានស្រីតែម្នាក់។ លោកថាថ្នាក់រៀនអត់សិស្សស្រីហើយ លោកអត់មានសង្សារទៀត ខុសពីមិត្តភ័ក្តិលោកដែលគេមានទាំងប្រាក់ខែច្រើននិងសង្សារស្អាតៗ។

ដោយឡែក លោក តុលា ដែលជានិស្សិតឆ្នាំ៣ ផ្នែក IT នៅសាកលវិទ្យាល័យភូមិន្ទភ្នំពេញ និយាយថាកាលពីមុនថា្នក់រៀនអត់មានសិស្សស្រីទេ តែឥឡូវមានបីបួននាក់ដែរ។ តុលាថា កាលមិនទាន់មានរៀនដូចស្ត្រេសដែរ តែក្រោយមាននិស្សិតស្រីស្អាតៗដល់ទៅ ៤នាក់ហើយជាសិស្សពូកែទៀត លោករឹងតែប្រឹងរៀនខ្លាំងឡើងហើយ អត់ដែលហ៊ានអវត្តមានទេ ព្រោះខ្លាចញ៉ែគេមិនបាន។

កាលពីមុន និស្សិតស្រីមួយចំនួនយល់ខុសថា ជំនាញ IT ស័ក្ដិសមតែមនុស្សប្រុសទេដែលត្រូវរៀន ព្រោះវាត្រូវការប្រឹងប្រែងខ្លាំងទាំងកាយទាំងចិត្តរហូតដាច់យប់ក៏មាន ទើបពួកគេងាកទៅចាប់ជំនាញ ធនាគារ ឬគណនេយ្យជំនួស។ ដោយសារចង់ឱ្យនិស្សិតស្រីមានវត្តមានច្រើនក្នុងវិស័យ ICT បណ្តាគ្រឹស្ថានសិក្សាជាច្រើនបានលើកទឹកចិត្តដោយផ្ដល់អាហារូបករណ៍ដល់ពួកគេ ដើម្បីមានលទ្ធភាពរៀនជំនាញព័ត៌មានវិទ្យាឱ្យបានកាន់តែច្រើនឡើងសម្រាប់ជួយដល់ការរីកចម្រើនសង្គមជាតិ៕

អត្ថបទ៖ ប៉ែត ផាន់និត

ពាក្យទាក់ទង

មតិជុំវិញបច្ចេកវិទ្យា

អត្ថបទពេញនិយម

ខេត្តកំពង់ធំ នឹងមានប្រព័ន្ធធារាសាស្រ្តថ្មីគ្របដណ្តប់ក្រុង-ស្រុក៥ អាចស្រោចស្រពលើផ្ទៃដី ៣០ម៉ឺនហិកតា

កំណាយព្រែកជីកបុរាណមួយនៅសៀមរាប បានរកឃើញ កុលាលភាជន៍ ដែលផលិតនៅដើមសម័យអង្គរ

រដ្ឋត្រៀមសង់ផ្លូវតភ្ជាប់ពីស្ពានចាក់អង្រែក្រោម-ព្រែកប្រា ទៅកាន់ផ្លូវជាតិលេខ១តែម្តង

ល្អមើលហើយ! វិសាខា ប៉ះក្លឹប វឿន វាសនា និងក្លឹបខ្លាំងៗទៀតក្នុងពានរង្វាន់មួយនៅតៃវ៉ាន់

តួប្រុសរឿង «Boys Over Flowers» ប្ដូរជីវិតមកធ្វើស្រែចម្ការ ក្រោយការប្រពន្ធ

ព្រឹត្តិការណ៍ “រត់ពីចម្ងាយជាមួយសាយ លើកទី២ ឆ្នាំ២០២៤” ដើម្បីសប្បុរសធម៌មកដល់ហើយ ចុះឈ្មោះរត់ទាំងអស់គ្នា!

អត្ថបទថ្មី

ជឿរឬមិនមិនជឿរតាមការគិតរាងខ្លួន! ស្វាមី ផន សុផារី ទម្លាយរឿងព្រឺសម្បុរ ទាក់ទងនឹងវិញ្ញាណឧញ៉ា ឈាងរ័ត្ន

ពេលទៅចុះបញ្ជីកំណើតឱ្យកូន! ប៉ាម៉ាក់ត្រូវដឹងពីចំណុចទាំងអស់នេះសិន កុំឱ្យទៅមកច្រើនសារ

ប្ដីប្រពន្ធមួយគូ ធ្វើរឿងហួសហេតុក្នុងកម្មវិធីប្រគុំតន្រ្តី The Eras Tour របស់Taylor Swift គេរិះគន់ព្រៀត

ធនាគារ ស្ថាបនា រៀបចំកម្មពិធី «បរិច្ចាគឈាមដើម្បីសង្គ្រោះជីវិត»

"ទីក្រុងឧក្រិដ្ឋទណ្ឌកម្មក្ដៅ" ក្លាយជាភាពយន្តលើករាសីកេណ្ឌអ្នកមើលឲ្យ “The Outlaws” ខ្ពស់បំផុតប្រចាំប្រវត្តិសាស្ត្រកូរ៉េ

ព្រឹត្តិការណ៍បាល់ទាត់វ័យចាស់ ខ្មែរ-សិង្ហបុរី ប្រមូលថវិកាបាន ២៥,៧៧០ដុល្លារប្រគល់ជូនពេទ្យគន្ធបុប្ផា