Lee Minho និង Jun Jihyun នឹងចូលសម្ដែងក្នុងរឿងថ្មីរបស់អ្នកនិពន្ធ "សង្សារខ្ញុំជាមនុស្សភពផ្កាយ”?

2016-04-20 20:20:46
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកគាំទ្រកំពុងជ្រួលច្របល់ពីលទ្ធភាពដែលតារាសម្ដែងល្បីឈ្មោះរបស់កូរ៉េខាងត្បូង Lee Minho និង Jun Jihyun អាចនឹងសហការគ្នាក្នុងរឿងភាគថ្មីរបស់អ្នកនិពន្ធរឿង "សង្សារខ្ញុំជាមនុស្សភពផ្កាយ" នៅពេលខាងមុខ។

កាលពីខែមករាកន្លងទៅ សារព័ត៌មាននានាបានរាយការណ៍ថាតារាសម្ដែងប្រុស Lee Minho កំពុងតែគិតគូរពីការចូលសម្ដែងក្នុងរឿងភាគថ្មីមួយរបស់អ្នកនិពន្ធ Park Ji Eun កវីនិពន្ធរបស់កំពូលរឿងភាគ "My Love From the Star”។ ផលិតកម្ម Starhaus តំណាងក្រុមហ៊ុនរបស់តួរឿង "City Hunter” ក៏បានបញ្ជាក់ផងដែរថាតារារបស់ខ្លួនគឺមានគម្រោងចង់សម្ដែងក្នុងរឿងថ្មីរបស់ Park Ji Eun ពិតប្រាកដមែន។

ទន្ទឹមនឹងគ្នានេះដែរ កំពូលតារាសម្ដែង Jun Jihyun ដែលបានសម្រាលកូនប្រុសកាលពីខែកុម្ភៈនោះក៏ចាប់ផ្ដើមត្រលប់មកកាន់វិស័យសិល្បៈវិញដែរ។ ព័ត៌មានថ្មីបំផុតបានរាយការណ៍ថាតារាសម្ដែងអាយុ ៣៤ឆ្នាំកំពុងតែមានគម្រោងចង់សហការជាមួយអ្នកនិពន្ធរឿង "My Love From the Star” សម្រាប់រឿងភាគថ្មីរបស់នាង។ នេះបញ្ជាក់ឲ្យឃើញថា លទ្ធភាពដែល Lee Minho និង Jun Jihun នឹងជួបគ្នាក្នុងរឿងភាគថ្មីគឺខ្ពស់បំផុត។

គួរបញ្ជាក់ផងដែរថា ចាប់តាំងពីឆ្នាំ២០១៣មក អ្នកគាំទ្រមិនបានឃើញមុខ Lee Minho នៅលើកញ្ជក់ទូរទស្សន៍នោះទេដោយក្រោយពីសម្ដែងក្នុងរឿង "The Heirs” មក តួរឿង "កន្លង់បាក់ស្លាបកុលាបមានស្នេហ៍" ចាប់ផ្ដើមផ្ដោតអារម្មណ៍លើភាពយន្តដោយមិនសូវរវីរវល់នឹងរឿងភាគនោះឡើយ។ រីឯសម្រាប់ Jun Jihyun វិញក្រោយពេលល្បីរន្ទឺជាមួយរឿង "My Love From the Star” កាលពីឆ្នាំ ២០១៤នោះ នាងក៏មិនបានសម្ដែងថែមរឿងភាគមួយណាទៀតដែរ៕

ចុចអាន៖“សង្សារខ្ញុំជាមនុស្សភពផ្កាយ” កំពុងត្រៀមផលិតវគ្គ២ ប៉ុន្តែ…

ប្រែសម្រួល៖ សុវណ្ណផៃ ប្រភព៖dramafever